1 KORINTUS 6:3 - KITTA' MATANGKASA'

³ Tenaka nanuassengi angkanaya ikatte langngadeli malaekaka? Jari la'biangampa pole punna parkara katallassang allo-alloaja.

1 KORINTUS 6:3 ပူးပေါင်းရင်းမြစ်များ

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

DANIEL 7:22

Nampa Ia anjo mattallasaka satunggu-tungguna battui nampa assare kaputusang Napattojeng umma'Na Allata'ala Kaminang Tinggia. Narapi'mi wattunna ke'nanga annarima koasa untu' ammarenta.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

LUKAS 8:14

Anjo bine takkioroka ri tangnga-tangngana rompo'-rompo' akkatintinga, iaminjo pangngebaranna tau allangngerekai anjo kabaraka, mingka ranggaselai ri passala' katallassanna ke'nanga, siagang cinnai a'jari sannang nakkalumanynyang ilalang ri anne linoa. Yangaseng minjo angngepeki ke'nanga, sa'genna takkulleai ke'nanga a'rappo baji'.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

1 KORINTUS 6:15

Nuassemmi angkanaya anjo batangkalennu anggota batangkalenNa Almasi. Jari, maka akkullei kualle anjo anggota batangkalenNa Almasi, nampa kupa'jari anggota ri batangkalenna baine ja'dalaka? Tena sikali nakkulle!

1 KORINTUS 6:16

Yareka tanuassengapi angkanaya inai-nai ampasiallei batangkalenna siagang baine ja'dalaka, a'jari se'remi batangkalenna siagang anjo baine ja'dalaka? Nasaba' nia' tattulisi' lalang ri Kittaka angkanaya, “Anjo ruaya a'jari se'remi.”

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

1 KORINTUS 6:4

Jari punna ammumba parkara kammaya anjo maka lanuerangi mae ri tu tena sikalia empoanna lalang ri jama'aka?

2 TIMOTIUS 2:4

Surudadu sitabanga anggaukangi tugasa'na, takkulleai urusang kalenna naparutusu', lanri eroki napakasannang pa'mai'na komandanna.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

2 PETRUS 2:4

Manna malaeka'-malaeka' dorakaya tena todong nalata'lappasa' battu ri hukkunganNa Allata'ala. Lanipela' tongi ke'nanga antama' ri naraka. Nipantamaki ke'nanga ri tampa' sassanga, nanitahang anjoreng sa'genna narapi' Allo Pangadelanga.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.