1 KORINTUS 6:18 - KITTA' MATANGKASA'

¹⁸ Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

1 KORINTUS 6:18 ပူးပေါင်းရင်းမြစ်များ

KAIMANGNGANG 15:18

Punna le'baki assikatinroang, baji' bura'ne kammayatompa bainea, musti a'je'neki, mingka tuli ra'masa'na sa'genna labu alloa.

ROMA 1:24

Iaminjo saba'na nanibalang parekammo ke'nanga ri Allata'ala nikoasaia ero'na ke'nanga untu' anggaukangi kaja'dallanga. Sa'genna nagaukammi ke'nanga apa-apa ra'masaka mae ri massing para ia.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

2 KORINTUS 12:21

Kukamallakkangi gassingka Napakatuna' Allata'alaku sallang ri dallekannu punna battua' angkunjungiko. Ranggasela tonga' gassingka jaiko sallang lampakarruka', lanri tenana nuero' ampinrai gau' dosanu allaloa, anggaukangi gau' bawanga, gau' ra'masaka, kammayatompa gau' tenaya nasiratang.

GALATIA 5:19

Anjo ero'na sipa'-sipa' rupataua a'nyatai lalang ri panggaukang-panggaukang salimaraka, panggaukang ra'masaka, siagang panggaukang tenaya nasiratang;

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

1 TESALONIKA 4:3

Iaminne Nakaerokia Allata'ala: Nikellaiko sollannu matangkasa' lalang tallasa'nu, untu' KalenNa siagang nupakabella kalennu battu ri a'gau' bawanga.

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.