1 KORINTUS 6:13 - KITTA' MATANGKASA'

¹³ Nia' todong angkana, anjo kanrea untu' battang, siagang anjo battanga nipasadiai untu' napantamai kanre. Mingka anjo ruaya, iamintu kanrea siagang battanga lanipattaena ngasengi ri Allata'ala. Anjo batangkalea takkulleai nipake untu' a'gau' bawang, mingka untu' poro nipake allayani mae ri Batara. Na Batarami lamparakai anjo batangkalea.

1 KORINTUS 6:13 ပူးပေါင်းရင်းမြစ်များ

MATIUS 15:17

Tenapa nuassengi, angkanaya apa antamaya ri bawaya, iaminjo naung ri parruka nampa assulu' poleang?

MATIUS 15:20

Yangaseng minjo kammaya a'jari saba' na'jari rantasa' rupataua. Jari teai lanri angnganre ta'bissa lima.”

MARKUS 7:19

Nasaba' anjo apa antamaya tena nanjoreng ri nyawaya numalo; passangalinna anjorengi ri parruka numalo, nampa assulu' poleang.” Battu ri akkana kammana Isa, naNapakasingara'mo angkanaya sikontu apa-apa nikanrea hallala' ngasengi.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

YOHANES 6:49

Angnganrei boe-boenu kanre Napaturunga Allata'ala ri parang lompoa, namate tonja ke'nanga.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 6:12

Tea' mako pole pa'biangi nikoasai tallasa'nu ri dosaya ilalang ri anne linoa, sollanna tena nanuturukiangi ero' kaja'dallanna.

ROMA 7:4

Sangkamma ngaseng tomminjo mae ri kau, sari'battangku ngaseng. Sanrapang mate ngaseng mako mae ri hukkung agama Yahudia lanri nipasileo'mi tallasa'nu siagang Isa Almasi, le'baka attallasa' ammotere' battu ri kamateanga; Iami ampatangi katallassannu. Nipattallasa' poleangi ammotere' battu ri kamateanga, sollanna akkulle a'jari a'matu-matu katallassanta mae ri Allata'ala.

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

1 KORINTUS 6:15

Nuassemmi angkanaya anjo batangkalennu anggota batangkalenNa Almasi. Jari, maka akkullei kualle anjo anggota batangkalenNa Almasi, nampa kupa'jari anggota ri batangkalenna baine ja'dalaka? Tena sikali nakkulle!

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

EFESUS 5:23

Nasaba' anjo bura'nea iami kapala mae ri bainenna, sangkamma Almasi a'jari kapala mae ri jama'aka; kammayatompa Ia tommi a'jari Karaeng Mappasalama' mae ri jama'aka, a'jaria TubuNa.