1 KORINTUS 6:11 - KITTA' MATANGKASA'

¹¹ Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

1 KORINTUS 6:11 ပူးပေါင်းရင်းမြစ်များ

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

PANGNGEBARANG 30:12

Nia' tau nakanai kalenna tangkasa' na sitojenna sanna' rantasa'na.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

KAIMANGNGANG 14:48

Mingka punna battu imanga na turu' pamaressana tenamo nammumba poleang jappoka baku' le'ba'na nipalestere' poleang, musti napaui angkanaya tangkasaki anjo ballaka, lanri anjo jappoka tappela' ngasemmi.

KAIMANGNGANG 8:6

Nampa nasuro Harun siagang ana'-ana'na maju mae ri dallekang na natangkasi massing kalenna.

MATIUS 20:4

Nakanamo ri ke'nanga, ‘A'lampamako mange anjama ri koko anggorokku, nakubayarakko siapa siratanga.’

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

YOHANES 13:10

Nakanamo Isa ri Petrus, “Punna le'ba'mo taua a'je'ne', tangkasa' ngasemmi sibatu kale. Tenamo naparallu nibissai pole; passangalinna bangkenna mami nibissai. Tangkasa' mako, mingka tenapa nutangkasa' ngaseng.” (

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.

LAMPA-LAMPANA 22:16

Kamma-kamma anne tea' mako sallo-salloi pole attayang. Ambangung mako nai', nanupassareang kalennu nije'ne'. Appala' popporo' mako mae ri Batara, sollannu nipammopporang ri dosa-dosanu.’ ”

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

ROMA 3:24

Jari, lanri passare mangngamaseanNa bawang Allata'ala, iamintu Napassareang bawang-bawanga, nampa akkulle a'jari baji' ammotere' passisambunganna rupataua siagang Allata'ala; carana iamintu: nilappassangi rupataua ri Isa Almasi.

ROMA 4:5

Mingka nia' tau tena nausaha kalenna napare' panna'gallang; passangalinna napappirannuangi kalenna mae ri Allata'ala, nasaba' Allata'alami allappassangi tau dorakaya battu ri dosa-dosana. Lanri iaminjo tappa'na nanitarimamo anjo taua a'jari tau nikarannuang ri atinNa Allata'ala.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:9

Kamma-kamma anne assibajiki maki' ammotere' siagang Allata'ala lanri kamateanNa Isa Almasi; lanri kammana, mattantu tommi lanipasalamatta battu ri pangngalarroinNa Allata'ala lanri Isa Almasi.

ROMA 8:30

Kammaminjo bateNa Allata'ala angkioki sikamma tau le'baka Napattantu memang la'bi riolo; na sikamma anjo tau Nakioka nisare oloang assibajiki ammotere' siagang Allata'ala. Na sikamma anjo tau le'baka nisare oloang assibajiki ammotere' siagang Allata'ala, nisare tommi pammantangang lalang katallassang KalenNa Allata'ala.

ROMA 8:33

Maka inai lakkulle antuntukki' ikatte umma' le'baka Napile Allata'ala, punna KalenNamo Allata'ala angkana tenamo nisala?

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 12:2

U'rangi angkanaya ri wattunna tenapa nutappa' mae ri Batara, amminawangko anynyomba mae ri barhala pepea.

GALATIA 2:16

Mingka niassengi angkanaya lanri tappa'na taua mae ri Isa Almasi nakkulle assibajiki ammotere' siagang Allata'ala; teai lanri nagaukanna hukkung-hukkung agamaya. Ikambe pole, tappa' tommaki' mae ri Isa Almasi; sollanta akkulle assibajiki ammotere' siagang Allata'ala tete ri anjo matappatta. Jari teai lanri kigaukanna hukkung-hukkung agamaya. Nasaba' tena manna sitau lakkulle assibajiki ammotere' siagang Allata'ala lanri nagaukanna hukkung-hukkung agamaya.

GALATIA 3:11

Tenanniakka manna sitau akkulle assibajiki siagang Allata'ala, lanri nagaukanna hukkung-hukkung agamaya. Anjo kammaya le'ba'mi nipau lalang ri Kittaka angkanaya, “Tau tappakaji bawang mae ri Allata'ala akkulle a'jari baji' ammotere' passisambunganna siagang Allata'ala; iami lakkulle anggappai katallassanga!”

GALATIA 3:24

Jari anjo hukkung agamaya a'jari sanrapangi pajaga mae ri kalenta, sa'genna battu Almasi ampassibajikiki' ammotere' siagang Allata'ala, lanri tappatta mae ri Almasi.

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

2 TESALONIKA 2:13

Sikamma sari'battangku nikamaseanga ri Batara! Musti tuli appala' sukkuruki ikambe mae ri Allata'ala passabakkang ikau ngaseng; nasaba' battu ri uru-uruna memang naNapile mako Allata'ala untu' nipasalama'. Anjo, RohNa Allata'ala anggaukangi mae ri kau; sollannu nipa'jari umma'Na Allata'ala matangkasaka; siagang lanri tappa'nu mae ri biritta tojenga battua ri Allata'ala.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

1 YOHANES 2:12

Kutulisiki anne suraka mae ri kau ngaseng ana'-anakku, nasaba' le'ba'mi nipammopporang dosa-dosanu lanri Almasi.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.