1 KORINTUS 6:10 - KITTA' MATANGKASA'

¹⁰ inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

1 KORINTUS 6:10 ပူးပေါင်းရင်းမြစ်များ

PANGNGEBARANG 7:27

Punna a'lampa taua mae ri balla'na, sangkammami angkana angngallea oloang pammolongang mange ri kamateanga.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YEREMIA 7:11

Nukanaka anne BallakKu pammantangngang paella'? Yangasenna anjo panggaukannu Kucini' ngasemmi.

YEHEZKIEL 22:13

Mingka kamma-kamma anne laKudengkai sikamma paellaka siagang pabuno taunu.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

YOHANES 12:6

Nakkana kamma anjo Yudas, teai lanri nakamaseanna tu kasi-asia, passangalinna nasaba' palukkaki. Biasai naalle doe' nibolika, nipappirannuanga ri ia niboli'.

LAMPA-LAMPANA 20:32

Kamma-kamma anne kupassareang mako mae ri Allata'ala, naporo Iami amparakai ngasengko, siagang nuporo anna'gala' jarre' ngaseng mae ri anjo kabara' pangngamaseanNa Allata'ala. Koasai Allata'ala ampakajarrekko siagang assareko barakka'-barakka'Na, le'baka Napasadia untu' sikontu umma'Na.

1 KORINTUS 15:50

Ia natabaya kanangku, sari'battangku ngaseng, iamintu: anjo tubu nipa'jaria battu ri assi siagang cera', takkulleai antama' ri Lino BeruNa Allata'ala; siagang anjo tubu akkullea mate takkulleai a'jari tubu mannannungang.

1 KORINTUS 5:11

Mingka ia kupakkanaya iamintu, angkanaya teako asse'rei siagang tau nakanaya kalenna Karisteng, mingka a'gau' bawangi, yareka angngoai, yareka anynyombai barhala, yareka nangai napau kodi paranna tau, yareka painungi, yareka palukkaki. Manna ammempoa sipangnganreang siagang ke'nanga tea' laloko!

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

1 PETRUS 4:15

Tea' laloko niakki angkasiaki sessaya lanri ammunonu, yareka lanri a'lukka', yareka lanri a'gau' ja'dala', yareka lanri napantama'-tamakkinna urusanna tau maraenga.