1 KORINTUS 5:6 - KITTA' MATANGKASA'

⁶ Tena nabaji' anjo apa nupattampo-tampoanga! Nuassemmi kapang anne lampangkana angkanaya, “Pa'gambang sike'deka ampa'bakkaki labu' le'baka nileo'.”

1 KORINTUS 5:6 ပူးပေါင်းရင်းမြစ်များ

HOSEA 7:4

Sangnging tau a'bali' ballang siagang tau tamattantua ngaseng nyawana ke'nanga. Pangngabirissinna ke'nanga rapangi pepe' lalang ri pattunuang tenaya nanipicorai pepe'na ri papare' rotia lalang tenanapa nasadia leokanna untu' nitunu.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

LUKAS 13:21

Kajarianna lasanrapangi pa'gambang naallea sitau baine, nampa napasileo' patampulo litere' labu', sa'genna a'bakka ngaseng anjo labuka.”

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

1 KORINTUS 3:21

Lanri kammana, tea' laloko niakki ampalece dudui rupataua, nasaba' yangasenna nipassareang ngasemmi mae ri kau, a'jari ikau pata:

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

GALATIA 5:9

Nakana taua, “Anjo pa'gambang sike'deka akkullei napabakka' sikontu tarigu le'baka nileo'.”

2 TIMOTIUS 2:17

Pangngajaranna anjo tau kammaya sanrapangi garring lompo akkullea a'lette'-lette'. Antama' tommi kammaya Himeneus siagang Filetus.

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.