1 KORINTUS 4:9 - KITTA' MATANGKASA'

⁹ Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

1 KORINTUS 4:9 ပူးပေါင်းရင်းမြစ်များ

PAMMUJI 44:22

mattantu laNaassengi Allata'ala, saba' Naassengi rahasiana atinna ikambe.

PAMMUJI 71:7

A'jari contoi tallasakku mae ri tau jaia, saba' iKattemi pa'la'langang majarrekku.

YEREMIA 20:18

Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?

LAMPA-LAMPANA 19:29

A'la'bammi anjo karicuanga sa'genna ri sikontu kotaya. Nampa mangemi anjo kumpulanna tau apparicua anjakkalaki Gayus siagang Aristarkhus. Nasaba' iaminjo tau anrurungangi Paulus battu ri Makedonia lalang ri pa'lampanna. Nare'resammi ke'nanga anjo tau ruaya mange ri tampa' luara'na anjo kotaya.

LAMPA-LAMPANA 19:31

Nia' todong siapa are tumalompo ri daera Asia, a'jari aganga ri Paulus, assuro pauangi Paulus sollanna tena namange ampappicinikangi kalenna anjoreng ri tampa' luaraka.

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

1 KORINTUS 15:19

Punna ri wattuntaja bawang attallasa' ri lino kimanrannuang mae ri Almasi, ikattemi kaminang cilaka ri sikontu rupataua ri anne linoa!

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

2 KORINTUS 6:9

Nikanamo tau tena angngassengki', mingka niasseng ngasengki' ri tau jaia. Nikana mate maki', mingka ma'nassa attallasa' ijaki'. Manna kinisessa, mingka tamateajaki'.

1 TESALONIKA 3:3

Sollanna tenanniakka manna sitau battu ri kau ammono'boko passabakkang sikamma anne kasessanta ngaseng. Kalennumi angngassengi, angkanaya anjo sikamma passessaya antama' memang tongi lalang ri ero' rancanaNa Allata'ala untu' ikatte.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 10:33

Nia' wattunna nunihina siagang nigau' takamma-kamma ri dallekanna tau jaia. Nia' todong wattunna numminawang todong ampisa'ringi sessana tau nigau' kammaya.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.