1 KORINTUS 4:4 - KITTA' MATANGKASA'

⁴ Tena nakuassengi kalengku angkanaya nia' salaku manna pole passala' apa mamo; mingka anjo takkulleai a'jari butti angkanaya tena memang salaku. Kalenna bawang Batara akkulle ampattantui angkanaya sala' yareka tena nakusala.

1 KORINTUS 4:4 ပူးပေါင်းရင်းမြစ်များ

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 25:4

Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

AYUB 27:6

Tuli anna'galakka' mae ri kamannurukingku, siagang tuli tangkasa'na ati mailalangku.

AYUB 9:20

Jarreki tappakku ri Ia siagang tena ku'gau' dosa, mingka bawaku kamma kusa'ring kabalekanna napau; kana-kana assuluka ri muncengku, kamma kusa'ring nasalakanga'.

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 19:12

Yangasenna anjo mappakainga' ri atanTa; sadiai pahala lompoa mange ri tau anturukiai.

PAMMUJI 26:12

Jari amanga' battu ri sikontu bahayaya, lamammujia' ri Batara lalang ri passe'reang umma'Na.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PANGNGEBARANG 21:2

Tunggala' panggaukanna taua nakanai baji' ri paccini' kalenna, mingka Batara angngassengi nakaerokia pa'mai'na.

PANGNGEBARANG 29:26

Jai tau nangai a'boya-boya pa'mai' ri tukoasaya, mingka assarea kaadelang, Bataraji bawang.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

LAMPA-LAMPANA 23:1

Najanjang tasse're-se'remi Paulus anjo anggota-anggotana pangadelang agamaya, nampa nakana, “Sikamma sari'battangku! Sa'genna anne alloa tena kukasia' ri pa'maikku angkanaya sala' mae ri Allata'ala ri katallassangku.”

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

ROMA 4:2

Punna lanri apa-apa nagaukanga nakkulle nitarima ri Allata'ala a'jari tau nikarannuang ri atinNa Allata'ala, tantu nia'ja alasanna untu' latinggi pa'mai'. Mingka takkulleai tinggi pa'mai' ri dallekanNa Allata'ala.

1 KORINTUS 4:3

Untu' inakke, tena nanjari apa-apa angkanaya antekamma panggappanu – yareka panggappana tau maraenga – mae ri kalengku. Ba'lalo manna inakke tena todong naparallu angkanaya antekamma panggappaku mae ri kalengku todong.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.