1 KORINTUS 4:21 - KITTA' MATANGKASA'

²¹ Jari pilei mami apa la'bi nungaia! Apa erokko nakuterassi bateku angngajarakko punna battua' mae ri kau, yareka kulammai siagang kupakkamaseangi?

1 KORINTUS 4:21 ပူးပေါင်းရင်းမြစ်များ

1 KORINTUS 4:18

Nia' siapa are battu ri kau a'jari tampo, lanri nakana kapang ke'nanga talabattua' mae ri kau ngaseng.

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 10:6

Na punna amminawang turu' ngaseng mako, sadiami ikambe untu' anghukkungi sikamma tau tenaya namminawang turu'.

2 KORINTUS 10:8

Tena nakusiri'-siri' tuli angkalompoang pa'maiki kakoasang le'baka Napassareang Batara mae ri kambe. Nasaba' anjo kakoasanga eroki nipake untu' ambangungko. Teai untu' anruntungko.

2 KORINTUS 12:18

Kusuromi Titus a'lampa angkunjungiko, siagang kusuro tongi anjo sari'battang Karisteng maraenga anrurungangi. Maka nia' passawallang naalle Titus battu ri kau? Inakke siagang Titus a'julu pa'maikka' anjama-jama, siagang sangkamma-kammai bateku anjama!

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

2 KORINTUS 13:2

Sikamma tau le'baka a'gau' dosa ri wattu allaloa, le'ba'mi kupakainga' pirangalloang, ri wattungku makapinruang battu angkunjungiko. Kamma-kamma anne, ri wattu sikabellainta, kupakainga' poleang mako angkanaya punna battua' pole sallang, tena manna sitau ri ke'nanga lata'lappasa' battu ri hukkunganga.

2 KORINTUS 2:1

Lanri kammanami anjo nale'ba'mo kutappuki angkanaya tenamo nakulabattu poleang angkunjungiko sa'genna a'jari si'na pa'mai'nu.

2 KORINTUS 2:3

Iaminjo saba'na nakutulisi' anne suraka mae ri kau. Taeroka' angkunjungiko, nampa nupakasi'na pa'maikku. Sikontutojenna musti nupakarannui pa'maikku. Nasaba' tappaka' angkanaya punna rannua', amminawang ngaseng todong mako rannu.

2 KORINTUS 3:10

Akkulle nikana anjo apa-apa lompoa cayana ri pirangalloang tenamo nalompo cayana ri kamma-kammaya anne, lanri nia'mi battu caya malompoanganga.

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

1 TESALONIKA 2:7

Mingka napakatunami kalenna ikambe ri wattunna nia' ri tangnga-tangnganu, sanrapang se're amma' amparakai ana'-ana'na.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.