1 KORINTUS 4:19 - KITTA' MATANGKASA'

¹⁹ Mingka punna Naerokang Batara tena tabattuku mae ri kau ngaseng. Iapi anjo wattua sallang nakucini' todong apa akkullea nagaukang anjo tau tampo kammaya; jari teai poro bicaranna bawang ke'nanga kulangngere'.

1 KORINTUS 4:19 ပူးပေါင်းရင်းမြစ်များ

LAMPA-LAMPANA 18:21

Mingka manna nakamma, ri wattunna la'lampa Paulus, nakanamo ri ke'nanga, “Punna nia' pangngellai battu ri Allata'ala, labattu poleanja' antu sallang mae anrinni.” Le'baki akkana kamma, a'lampami Paulus mange ri Efesus.

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

LAMPA-LAMPANA 20:2

Nakunjungimi sikamma tau tappaka ri Isa ri daera Makedonia. Jaimi pappakainga' napauangi ke'nanga, siagang napakajarre'mi tappa'na ke'nanga. Le'baki anjo a'lampami mange ri Yunani.

ROMA 15:32

Sa'genna, punna Nakaerokang Allata'ala, akkullea' battu mae ri kau ngaseng siagang baji'. Nakuakkulle anggappa panynyaleori ri tangnga-tangnganu ngaseng.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 14:5

Teai sipato' baji'na punna akkulle ngasengko a'bicara a'rupa-rupa bicara appakalannasa'. Mingka la'bi kaminang bajika punna akkulleko ambirittakangi sikamma rancanaNa Allata'ala. Nasaba' lompoangangi anggaranna appabattua biritta battu ri Allata'ala, naia a'bicaraya siagang bicara appakalannasa'; simmaraengi punna akkulleja napakasingariang jama'aka anjo bicara napaua, sollanna nia' matu-matunna mae ri sikontu jama'aka.

1 KORINTUS 16:5

Erokka' battu angkunjungiko punna kulalloimo Makedonia, nasaba' erokka' numalo sallang anjoreng.

1 KORINTUS 16:7

Tena nakuero' poro assengka bawang battu antoakko. Punna Nakellai Batara, erokka' sallo-sallo ammantang ri tangnga-tangnganu ngaseng.

1 KORINTUS 2:6

Mingka manna nakamma, kupake tonji pangngassenganga ampabattui anjo birittaya mae ri tau rapang ti'nokamo katallassang rohanina. Mingka anjo pangngassenganga teai pangngassengang battu ri lino, yareka pangngassengang battu ri sikamma tau anna'galaka koasa ri anne jammanga, ia lalanynyaka sallang kakoasanna.

1 KORINTUS 4:18

Nia' siapa are battu ri kau a'jari tampo, lanri nakana kapang ke'nanga talabattua' mae ri kau ngaseng.

1 KORINTUS 4:6

Sikamma sari'battangku! Lanri untu' kaparalluannu ngaseng, nakalengkumo siagang Apolos kupitujui anne bicaraya; sollannu akkulle accini' conto mae ri kambe, angkanaya antekamma batenu appilajara' ampahangi anne bicara angkanaya, “Anna'gala' majarre' mako mae ri paratorang niaka.” Sa'genna tenamo manna sitau akkulle ampakalompo dudui se'rea tau, nampa nacini' tuna maraenganga.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 10:9

Tena nakukellaiko angkana kupakamalla'-mallakko lalang ri sura'-surakku.

IBRANI 6:3

Punna nia' pangngellaiNa Allata'ala, mae mako nakimaju mange ri pappilajarang-pappilajarang la'bi lompoanganga!

YAKOBUS 4:15

Mustina lakammai anne batenu angkana, “Punna Naerokang Batara, lattallasa'ma' siagang lakugaukammi anne yareka anjo.”