1 KORINTUS 4:11 - KITTA' MATANGKASA'

¹¹ Sa'genna kamma-kamma anne nakasia'mi ikambe nikanaya cipuru' siagang atturere; care-carena ikambe ia mami ammantang niaka ri kalenna ikambe; nisessa maki' ri taua; tenamo tampa' pammantanganna ikambe;

1 KORINTUS 4:11 ပူးပေါင်းရင်းမြစ်များ

AYUB 22:6

Punna takkullea nabayara' inranna sari'battannu, nurampasa' ngasengi pakeanna.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

LAMPA-LAMPANA 14:19

Nia'mo siapa are tu Yahudi battu ri Antiokhia ri daera Pisidia siagang battu ri Ikonium mange ri Listra. Napangaruimi tau jaia sa'genna ammenteng mae ri ke'nanga tau jaia. Nasambilami ke'nanga batu Paulus nampa nare'resang assulu' ri pantarangang kota. Nakapangi ke'nanga angkana matemi Paulus.

LAMPA-LAMPANA 16:23

Le'baki nipisannakki nicambo' nipantama'mi ke'nanga ri tarungkua. Nisuromi kapala tarungkua anjagai baji'-bajiki ke'nanga.

LAMPA-LAMPANA 23:2

Ri wattunna akkana kamma Paulus, nisuro tempa ka'rammi bawana Paulus ri Imang Lompo Ananias ri anjo tau ammentenga ri sa'rinna Paulus.

ROMA 8:35

Maka inai lakkulle ampisangkai Almasi angkamaseangki'? Maka akkullei kasusaanga yareka kasukkaranga, yareka passessaya, yareka kacipuranga, yareka kakasi-asianga, yareka bahayaya, yareka kamateanga, ampisangkai Almasi angkamaseangki'?

1 KORINTUS 9:4

Maka tena nakusiratang anggappa kanre siagang je'ne' inung lanri jama-jamangku?

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

2 KORINTUS 4:8

Sanrapang nibundukimi ikambe battu ri kere-keremae, mingka tena nakasepekang ikambe. Kala'busang akkala' maki', mingka tena nitappu' panrannuang.

FILIPI 4:12

Le'ba'mi kukasia' katallassang kakuranganga, siagang katallassang kala'bianga. Kuassemmi rahasiana untu' andallekangi a'rupa-rupaya katallassang; baji' nakatallassang akkalumanynyanga yareka katallassang kala'bianga, yareka nakatallassang kakuranganga.

2 TIMOTIUS 3:11

Nucini'ma' nisessa siagang angkasiaki kapa'risanga. Nuasseng ngasengi apa kajarianga ri nakke ri kota Antiokhia, Ikonium, siagang Listra; siagang nuasseng ngasengi sikamma kasessang antujua'! Mingka Nalappassanga' Allata'ala battu ri yangasenna anjo kasessanga.