1 KORINTUS 3:3 - KITTA' MATANGKASA'

³ nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

1 KORINTUS 3:3 ပူးပေါင်းရင်းမြစ်များ

HOSEA 6:7

Mingka sangkamma Adam, nudakkai janjinnu mae ri Nakke.

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

1 KORINTUS 1:11

Nasaba' nia' tau battu ri balla'na Kloë ampabattui ri nakke angkanaya nia' passigea'-geakkang ri kau ngaseng.

1 KORINTUS 11:18

Nasaba' uru-uru kulangngereka iamintu angkanaya punna a'rappungangko salaku jamaah, assisa'la'-sa'lakko a'jari a'rupa-rupa golongang nampa assigea'-geakko. Na anne kabaraka kukira-kira nia' kamma tojenna.

1 KORINTUS 3:4

Punna nia' angkana, “Ikambe Paulus kipinawang,” na ia maraenganga angkana, “Ikambe Apolos kipinawang,” sai iaminjo buttina ma'nassana angkanaya appanggaukang kamma ijako tu linoa?

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

GALATIA 5:15

Mingka punna massing sikara'musukko, tutu laloko, sollanna tena nupara ancuru'.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

YAKOBUS 3:16

Kemae-kemae nia' sipa' pakkimburuang siagang sipa' kaparalluang kalenna bawang naondang, anjoreng tommi nia' karicuang siagang a'rupa-rupa kaja'dallang.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.