1 KORINTUS 3:21 - KITTA' MATANGKASA'

²¹ Lanri kammana, tea' laloko niakki ampalece dudui rupataua, nasaba' yangasenna nipassareang ngasemmi mae ri kau, a'jari ikau pata:

1 KORINTUS 3:21 ပူးပေါင်းရင်းမြစ်များ

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

ROMA 4:13

A'janjimi Allata'ala mae ri Abraham siagang sossoranna, angkanaya anne linoa la'jari warisi'nai Abraham. Na'janji kamma anjo Allata'ala teai lanri naturukinna Abraham hukkung-hukkung agama Yahudia, passangalinna lanri tappa'na mae ri Allata'ala sa'genna nitarimamo a'jari tau nikarannuang ri atinNa Allata'ala.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

1 KORINTUS 4:6

Sikamma sari'battangku! Lanri untu' kaparalluannu ngaseng, nakalengkumo siagang Apolos kupitujui anne bicaraya; sollannu akkulle accini' conto mae ri kambe, angkanaya antekamma batenu appilajara' ampahangi anne bicara angkanaya, “Anna'gala' majarre' mako mae ri paratorang niaka.” Sa'genna tenamo manna sitau akkulle ampakalompo dudui se'rea tau, nampa nacini' tuna maraenganga.

2 KORINTUS 4:15

Yangasenna anjo, untu' kaparalluannu ngaseng. Nasaba' punna pila' jai tau angkasiaki pangngamaseanNa Allata'ala, pila' jai tommi pappala' sukkuru' nipanai' ri Allata'ala; jari nipakala'biri'mi Allata'ala.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.