1 KORINTUS 3:12 - KITTA' MATANGKASA'

¹² Nia' ammake bulaeng ambangung irateanna anjo pondasia, nia' ammake pera', nia' ammake batu paramata, nia' ammake kayu, nia' todong ammake ruku' yareka batang ase.

1 KORINTUS 3:12 ပူးပေါင်းရင်းမြစ်များ

PAMMUJI 119:72

Untu' inakke tinggiangangi anggaranna hukkunTa kala sikontu bulaenga siagang peraka ri lino.

PAMMUJI 19:10

Anjo manynyombaya ri Batara bajiki, nigaukang satunggu-tungguna. Anjo hukkunNa Batara tojengi, na adele' ngaseng.

KALAPPASSANG 5:12

Jari a'lampami tu Israel anjappai sikontu butta Mesir untu' appasse're rarame.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 30:6

Punna nutambai apa napaua, lanapasaileko siagang lanapa'nyatai angkana ikau paballe-balleko.”

PANGNGEBARANG 8:10

Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

YESAYA 60:17

AngngerangA' bulaeng sambenna tambagaya siagang pera' sambenna bassia. AssareA' tambaga a'jari sambenna kayua, siagang bassi a'jari sambenna batua. Pa'rasangannu laKupa'jari amangi siagang sannangi, na niparenta siagang adele'.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

1 KORINTUS 3:11

Nasaba' le'ba'mi Napattantu Allata'ala angkanaya tena ruanna Isa Almasi akkulle a'jari sanrapang pondasina anjo bangunanga.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.

1 TIMOTIUS 6:3

Inai-nai tau ampangngajarrangi pangngajarang maraengannaya, siagang tena nasitujui pangngajarang tojeng battua ri Batarata Isa Almasi tena todong nasitujui ke'nanga pangngajaranna agamata,

2 TIMOTIUS 2:20

Lalang se'rea balla' lompo nia' a'rupa-rupa pakkakasa' balla'. Nia' pakkakasa' pera' yareka bulaeng, mingka nia' todong battu ri kayu yareka butta. Nia' lanipake untu' kaparalluang lompo, na nia' todong lanipake untu' kaparalluang biasa.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

2 TIMOTIUS 3:7

Tuli nasuro ajaraki kalenna anjo bai'-bainea, mingka tena le'bakai naasseng pangngajarang tojenga, ia battua ri Allata'ala.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.

PAPPICINI' 21:18

Anjo tembo'na kotaya batu baiduri moncongbulo nipare'; nampa kotana iamintu bulaeng ti'no' nipare', ci'nong sangkamma kaca.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.