1 KORINTUS 3:10 - KITTA' MATANGKASA'

¹⁰ Sanrapanga' tu nisare kacara'dekang a'jari panrita balla' ri Allata'ala. Iami anjo kacara'dekanga kupake le'ba' ampadongkoki batu pondasina anjo bangunanga, nampa tau maraeng ampatulusuki ambangung irateanna anjo pondasia. Sikontu taua musti naparhatikangi baji'-baji' antekamma batena musti ambangung irateanna anjo pondasia.

1 KORINTUS 3:10 ပူးပေါင်းရင်းမြစ်များ

2 PATTOTTORANG 2:12

Poro nipuji arenNa Karaeng Allata'alana Israel, Papare' langika siagang buttaya! Nasarei Daud sitau ana' bura'ne sannaka cara'de'na ri kabajikang, siagang niaka pangngassenganna, niaka kamma-kamma anne angngusaha ambangung se're balla' untu' Batara siagang sibatu balla' karaeng untu' kalenna.

KALAPPASSANG 36:4

Nampa a'laporo'mo mae ri Musa anjo sikamma tau anjamaya angkana, “La'bimi anjo bahang-bahang nasumbangkanga taua untu' pambangunanna anjo jamang Naparentakanga Batara.”

PANGNGEBARANG 12:8

Lanipuji taua situru' kacara'dekanna; nihinai taua situru' kadongokanna.

PANGNGEBARANG 9:1

Kacara'dekanga ambangummi balla', siagang napaenteng tujua bentenna.

KATO'BA 12:9

Anjo lapung Tau Assarea Pangngajarang bajiki akkala'na siagang cara'deki. Lanri kammana anjo napangngajarrangi anjo pangngassenganna mae ri rupataua. Jai pangngebarang napappilajari nampa nauji katojenganna.

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

ZAKHARIA 4:9

Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.

MATIUS 24:45

Nakanamo pole Isa, “Punna kamma, maka kereanga palayang tuli bajika siagang cara'deka? Iami niangka' ri karaenna a'jari kapala mae ri palayang-palayang maraenga, sollanna nasare ke'nanga kanre punna narapi' wattunna.

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

LUKAS 11:35

Lanri kammana, tutu laloko, sollanna tena na'jari sassang anjo singara' niaka ri batangkalennu.

LUKAS 21:8

Nakanamo Isa, “Tutu laloko, gassingka nitipuko. Nasaba' lajai tau battu ampakei arengKu, angkana, ‘Inakke minne!’ Siagang nakana, ‘Narapi'mi wattunna.’ Mingka teako turuki ke'nanga.

LAMPA-LAMPANA 18:27

Le'baki anjo apparurumi Apolos ero' a'lampa mange ri Akhaya. Jari annulisi'mi sura' tau tappaka ri Isa niaka ri Efesus mae ri tau tappaka ri Akhaya sollanna ero' ke'nanga antarimai Apolos siagang te'ne pa'mai'. Na ri wattunna Apolos mange ri Akhaya, ma'nassa sanna'mi lompona matu-matunna pannulunna mae ri sikamma tau tappaka ri Isa lanri pangngamaseanNa Allata'ala.

ROMA 1:5

Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

ROMA 15:15

Mingka nia'ija apa-apa maraengang parallu kuterassi kupakaingakkangko anrinni ri suraka, situru' tugasa' Napassareanga Allata'ala mae ri nakke.

ROMA 15:20

Ia pa'minasangku iamintu poro akkullea' ambirittakangi Kabara' Baji' battua ri Allata'ala ri tampa'-tampa' tenayapa nale'ba' nalangngere' taua passala'na Isa Almasi. Nasaba' tena nakuero' sanrapang tau ambangung irate ri pondasi le'bakamo napadongko' tau maraenga.

1 KORINTUS 3:11

Nasaba' le'ba'mi Napattantu Allata'ala angkanaya tena ruanna Isa Almasi akkulle a'jari sanrapang pondasina anjo bangunanga.

1 KORINTUS 9:2

Punna padeng taeroka taua angngakuia' salaku tunisuroNa Allata'ala, kaminang sike'de'na ikau numangakui! Nasaba' a'jarinumo tu Karisteng, iami anjo a'jari butti angkanaya tunisuroNa memang tonga' Allata'ala.

2 KORINTUS 10:15

Tena nakipuji kalenta passabakkang wassele' jama-jamanna tau maraenga pantarang daera le'baka Napattantu Allata'ala untu' ikambe. Mingka tuli lalang tonji ikambe ri daera le'baka Napattantuangki' Allata'ala, na ma'minasa ikambe angkanaya pila' tappa' mako mae ri Almasi, sollanna akkulle ikambe anggaukangi jama-jamang lompoanganga.

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

1 TESALONIKA 3:2

nanisuro riolo sari'battanta Timotius battu mae ri kau: Anne Timotius, iami palayanNa Allata'ala, assiaganga ikambe anjama untu' ambirittakangi Kabara' Bajika, iamintu ri passala'na Almasi. Kisuromi Timotius battu mae ri kau ngaseng, sollanna napakajarrekko siagang napamajuko nupila' tappa' mae ri Almasi.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

2 TIMOTIUS 2:15

Paralluko attojeng-tojeng appattujuang sollanna Naakuiko Allata'ala angkanaya ma'nassa tau siratang memang tongko anjama untu' Allata'ala. Usahako sollanna tena nu'jari siri'-siri' passabakkang jama-jamannu; passangalinna pangngajarrangi baji'-baji' sikamma pangngajarang tojeng battua ri Allata'ala.

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

2 PETRUS 3:15

Pakemi anjo kasa'barranNa Batara a'jari kasampatang Napassareang mae ri kau sollannu akkulle salama'. Kamma tomminjo le'baka napau Paulus lalang sura'na mae ri kau. Pangngajara' battu ri Allata'ala nanatulisi' Paulus anjo kana kammaya mae ri kau.

PAPPICINI' 21:14

Iratei ri sampuloa anrua batu pundasi nibangung anjo temboka. Ri anjo batu-batu pundasia massing niaki tattulisi' arenna sampuloa anrua tunisuroNa anjo Ana' Gimbalaka.

PAPPICINI' 21:19

Batu pundasina nibelo-beloi ngasengi a'rupa-rupa batu paramata. Batu pundasi makase'rea iamintu batu baiduri moncongbulo nipare', pundasi makaruaya battu ri batu nilang, pundasi makatallua battu ri batu yaku', pundasi makaappaka battu ri batu samru',