1 KORINTUS 3:1 - KITTA' MATANGKASA'

¹ Sikontutojenna sari'battangku ngaseng, takkullea' a'bicara ri kau ngaseng sangkamma tau nikoasaia ri RohNa Allata'ala. Mingka sanrapanja' bawang a'bicara tu mannurukia ri ero'na anne linoa; sanrapanga' ana' loloa lalang ri katappakkanga mae ri Almasi.

1 KORINTUS 3:1 ပူးပေါင်းရင်းမြစ်များ

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

1 KORINTUS 14:37

Punna nia' tau naassengi kalenna angkanaya nia' pakkullena untu' ampabattui anjo biritta battua ri Allata'ala, yareka nia' pakkulle maraeng natarima battu ri RohNa Allata'ala, anjo taua musti nasadari angkanaya parenta battu ri Batara anne kutulisika.

1 KORINTUS 2:6

Mingka manna nakamma, kupake tonji pangngassenganga ampabattui anjo birittaya mae ri tau rapang ti'nokamo katallassang rohanina. Mingka anjo pangngassenganga teai pangngassengang battu ri lino, yareka pangngassengang battu ri sikamma tau anna'galaka koasa ri anne jammanga, ia lalanynyaka sallang kakoasanna.

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

IBRANI 5:13

Inai-nai angnginung ija dadi', sanrapang ana' lolo iji; tenapa pangalamanna ri passala'na nikanaya apa tojeng yareka apa sala.

1 YOHANES 2:12

Kutulisiki anne suraka mae ri kau ngaseng ana'-anakku, nasaba' le'ba'mi nipammopporang dosa-dosanu lanri Almasi.