1 KORINTUS 2:4 - KITTA' MATANGKASA'

⁴ Teai bicara sannaka baji'na nilangngere' lanri kacara'dekang ri rupataua kupake ampabattui anjo birittaya mae ri kau ngaseng. Mingka kammaminjo caraku ampabattui untu' ampa'butti angkanaya makoasai RohNa Allata'ala. Akkulle ngasemmi nucini' anjo passalaka.

1 KORINTUS 2:4 ပူးပေါင်းရင်းမြစ်များ

PANGNGEBARANG 20:19

Tau nangaia ambicarai paranna tau, takkulleai anynyokko rahasia; teako assileporangi siagang tau jai dudua bicaranna.

PANGNGEBARANG 7:21

Kammaminjo batena anjo bainea angngodoki anjo tau rungkaya siagang kana-kana panynyonyo' angngontaka, sa'genna nigodamo anjo lapung tau rungka.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

LAMPA-LAMPANA 20:27

Tena nakule'ba' ampilari tugasakku untu' ampakasingariangko sikontu apa eroka Nagaukang Allata'ala ri kau ngaseng.

LAMPA-LAMPANA 26:28

Nakanamo Agripa mae ri Paulus, “Nukana gampanga' lanupa'jari tu Karisteng silalonna?”

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

1 KORINTUS 1:17

Nasuroa' Almasi teai untu' a'je'ne' tau, passangalinna untu' ambirittakangi Kabara' Baji' battua ri Allata'ala, siagang pole, anjo kugaukangi teai lanri kacara'dekang a'bicara salaku rupatau, sa'genna la'jari sia-siamo anjo koasa kamateanNa Isa Almasi ri kayu sallika.

1 KORINTUS 2:1

Sikamma sari'battangku! Ri wattungku battu mae ri kau, nakupabattu rancanaNa Allata'ala tenayapa naassengi anne linoa, teai kacara'dekanna anne linoa kupake, yareka teai bicara ta'liwa'-liwaka baji'na nilangngere'.

1 KORINTUS 2:13

Lanri kammana, punna napakasingara' ikambe sikamma anjo passala' battua ri Allata'ala mae ri tau nikoasaia ri RohNa Allata'ala, teai kacara'dekang battu ri rupataua napake ikambe ampakasingaraki anjo passalaka, mingka situru' ajarang battua ri RohNa Allata'ala.

1 KORINTUS 4:20

Nasaba' punna ammarenta Allata'ala lalang ri katallassanna taua, tena naporo lalang ri bicaranna bawang nipa'butti mingka lalang pole ri koasa katallassanna anjo taua.

2 KORINTUS 6:6

Tulusu' pa'mai' maki', mangngasseng baji' maki', sa'bara' maki', kammayatompa baji' pa'mai' maki' mae ri kau ngaseng, sollanna nuasseng angkanaya ikambe anne ma'nassa atanNaki' Allata'ala. Kammayatompa tanjeng maki' mae ri Roh pannulunNa Allata'ala, mangngamaseang maki' situlusu' pa'maitta;

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

KOLOSE 2:4

Kupauangko anne, sollanna tena napa'dongo'-dongokko manna pole inai, sannaka baji'na bicaranna mae ri kau.

1 TESALONIKA 1:5

Nasaba' teai lalang kana-kana bawang batena ikambe ampabattui anne Kabara' Bajika, mingka lalang koasaNai siagang lalang RohNa Allata'ala, siagang lanri matappa'na ikambe ri katojenganna anjo Kabara' Bajika. Ri wattunna nia' ikambe ri tangnga-tangnganu, nuassemmi antekamma batena attallasa' ikambe untu' kabajikannu.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

2 PETRUS 1:16

Ri wattunna kipabattu mae ri kau antekamma mala'biri'na kabattuanNa Batarata Isa Almasi, tena nakituruki carita kosong battua ri rupataua. Anjo kala'biranNa Almasi mata kalennami ikambe le'ba' anciniki.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

HAKING-HAKING 14:15

Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”

HAKING-HAKING 16:5

Nia'mo lima tu anna'gala' koasa ri Filistin battu mange ri anjo bainea. Nakanamo ke'nanga, “Nyonyo'mi Simson sollanna ero' ampauangko angkana apa rahasia kagassinganna, siagang antekamma carana nakkulle tappela' anjo kagassinganna. Jari akkullemi battu ikambe untu' ansikkoki nanibeta. Nisarepako sallang doe' pera', massing-massingki' assareko sisa'bu assibilangngang sitau.”