1 KORINTUS 2:2 - KITTA' MATANGKASA'

² Nasaba' le'ba'mi kupakkalepu ri atingku angkanaya ilalang niakku ri tangnga-tangnganu ngaseng, tena maraeng apa-apa lakupabattu mae ri kau, pantaranganna passala'na Isa Almasi; marioloangannaya iamintu angkanaya le'ba'mi mate ri kayu sallika.

1 KORINTUS 2:2 ပူးပေါင်းရင်းမြစ်များ

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

GALATIA 3:1

Sikamma sari'battangku niaka ri Galatia! Teai sipato' dongo'nu. Maka inai le'ba' angngajara' salako? Le'ba'mi kupakasingara' baji'-baji' mae ri kau battuanna anjo kamateanNa Almasi ri kayu sallika!

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.