1 KORINTUS 2:16 - KITTA' MATANGKASA'

¹⁶ Nasaba' nia' tattulisi' lalang ri Kittaka angkanaya, “Maka inai akkulle ampahangi pikkiranNa Batara? Siagang inai akkulle ampakaingaki?” Mingka ikatte niaki pikkiranNa Almasi ri katte!

1 KORINTUS 2:16 ပူးပေါင်းရင်းမြစ်များ

PA'JARIANG 1:12

Kammaminjo nappatimbomo buttaya sangka' rupa poko'-poko'. Nasannammo nyawaNa Allata'ala anciniki anjo passalaka.

AYUB 15:8

Apaka nulangngereki Allata'ala ampareki rancanaNa? Apaka ikauji bawang ampatangi kacara'dekang rupataua?

YEREMIA 23:18

Kukana, “Tena manna sitau battu ri sikamma anjo na'bi-na'bia angngassengi apa takkimbolonga lalang ri pikkiranNa Batara. Tena battu ri ke'nanga le'ba' allangngereki siagang ampahangi rancana-rancanaNa; tena todong amparhatikangi yareka anjampangi kana-kananNa.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

ROMA 11:34

Nia' tattulisi' lalang ri Kittaka angkanaya, “Maka inai akkulle angngassengi pikkiranNa Batara? Maka inai akkulle assarei pappakainga'?

1 KORINTUS 12:8

Nia' tau nisare ri RohNa Allata'ala pakkulle a'bicara sa'genna lompo pangaruna. Maraenganga nia' nisare kacara'dekang untu' ampakasingaraki biritta battua ri Allata'ala; naia tonji anjo Roh se'rea assarei kacara'dekang.