1 KORINTUS 16:3 - KITTA' MATANGKASA'

³ Punna battua' sallang, lakusuromi tau le'baka nupassamaturuki untu' a'lampa angngerangi anjo sumbanganga. Lakusarei ke'nanga sura' pangngantara', sollanna naerang ke'nanga anjo sumbanganga mange ri Yerusalem.

1 KORINTUS 16:3 ပူးပေါင်းရင်းမြစ်များ

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 16:4

Na punna nukana bajikangangi punna a'lampa tonga' siagang ke'nanga, la'lampa tonga' antu sallang siagang ke'nanga.

2 KORINTUS 3:1

Maka sangkammai angkanaya napuji kalenna ikambe ilalanna anne passalaka? Yareka nakulle parallui ikambe sura' pammuji untu' ikau, yareka battu ri kau, sangkamma naparalluanga sikamma tau maraenga?

2 KORINTUS 8:4

Tanisuroai, nakalenna tonji ke'nanga ampala' dudui sollanna akkulle todong ke'nanga amminawang turu' ansarei sumbangang Umma'Na Allata'ala ri pa'rasangang Yudea.

2 KORINTUS 8:6

Iaminjo nasanna' kukellaina Titus – le'baka ampakaramulai anne jama-jamanga – sollanna napannarrusu' todong anne jama-jamang bajika ri tangnga-tangnganu ngaseng.