1 KORINTUS 16:20 - KITTA' MATANGKASA'

²⁰ Sikontu sari'battanga anrinni appikatu ngasengi sallang mae ri kau ngaseng. A'le'ba'-le'basakko massing sisare sallang, sikarimangngi salaku tu Karisteng.

1 KORINTUS 16:20 ပူးပေါင်းရင်းမြစ်များ

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

ROMA 16:16

Massing sisareko sallang sikarimangngi salaku tu Karisteng. Sikamma jamaah-jama'aNa Almasi appikatu ngasengi sallang mae ri kau ngaseng.

ROMA 16:21

Agangku Timotius, appikatui sallang mae ri kau ngaseng. Kammayatompa Lukius, Yason siagang Sosipater, iamintu julu pa'rasangangku siagang julu bansaku.

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [

FILIPI 4:22

Sikamma Umma'Na Allata'ala niaka anrinni ri kotaya, la'biangampa niaka anrinni ri balla' lompona karaenga akkiring ngaseng tongi sallang mae ri kau.

1 TESALONIKA 5:26

Massing sibarisallangko para ikau ngaseng, assiamakko nusikarimangngi salaku tu Karisteng.

IBRANI 13:24

Pabattuanga' sallangku mae ri sikamma pamimpinnu siagang mae ri sikontu Umma'Na Allata'ala. Tarima tommi sallang battua ri sikamma sari'battanta ri Italia.

1 PETRUS 5:14

Sikamaseang duduko, siagang sisallang-sallangiko salaku tu Karisteng massari'battanga. Poro Nabarakkaki ngasengko Batara, ikau sikontu tau a'jaria taunNa Almasi. Sallangku, Petrus