1 KORINTUS 16:2 - KITTA' MATANGKASA'

² Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

1 KORINTUS 16:2 ပူးပေါင်းရင်းမြစ်များ

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

PA'JARIANG 30:27

Nakanamo Laban ri ia, “Pilangngeri rolong. Anggappa' pakkasia' angkanaya nibarakkakia' ri Batara lanri ikau.

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

2 PATTOTTORANG 31:10

nakanamo Imang Lompoa iamintu Azarya jari-jarina Zadok, “Baku'na naerang ra'yaka anjo passarena ngaseng mange ri Balla'Na Batara, tenamo nakakurangang ikambe ri kanre-kanreang; ba'lalo kala'biammi ikambe, sa'genna tuli jaina parsadiaang kanre-kanreanna ikambe. Yangasenna anjo akkullei natarima ikambe lanri Nabarakkakinna Batara Umma'Na.”

MARKUS 14:8

Anne bainea le'ba'mi nagaukang apa akkullea nagaukang. Lanri naminynya'-minynyakingKu, napasadiaMa' lanitarawang genteng tenanapa narapiki wattunna.

LUKAS 16:10

Inai-nai akkulle nipatappa' ri passala' apa ca'di-ca'dia iami akkulle tongi nipatappa' ri passala' apa-apa lompoanganga. Mingka inai-nai takkullea nipatappa' ri passala' apa ca'di-ca'dia, takkullea tongi nipatappa' ri passala' apa-apa lompoanganga.

LUKAS 24:1

Ri wattunna allo Minggu, ri bari'basa' dudua, a'lampami anjo bai'-bainea mange ri jeraka angngerangi anjo bunga-bunga le'baka napasadia ke'nanga.

YOHANES 20:19

Ri ia memang anjo allo Minggua, ri wattunna bangngimo, a'rappungammi ana'-ana' gurunNa Isa ri se'reang balla'. Nijoli ngasengi pakke'buka, lanri mallaki ke'nanga ri pamarentana tu Yahudia. Ti'ring nia'mi Isa ammumba, siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

YOHANES 20:26

Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LAMPA-LAMPANA 20:7

Ri wattunna bangngi daminggu a'rappungang maki' ero' sipangnganreang ampakajarreki passari'battanganta. A'bicara memammi Paulus siagang sikamma tau hadereka, nasaba' ammukona ero'mi a'lampa. Sa'genna tangnga bangngi a'bicara iji Paulus.

2 KORINTUS 8:10

Turu' ri panggappaku, kamma-kamma anne siratang memang tommi nupa'le'ba' anjo apa-apa le'baka nupakaramulai ri taung allaloa. Nasaba' ikaumi uru-uru annawa-nawai siagang ampakaramulai anne jama-jamanga.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

PAPPICINI' 1:10

Ri allonNa Batara, nikoasaia' ri RohNa Allata'ala; nampa nia' kulangngere' sa'ra sannaka lompona, sangkamma sa'ra tarompe', battu ri bokoku.