1 KORINTUS 16:12 - KITTA' MATANGKASA'

¹² Ri passala'na sari'battanta Apolos, pissiapa aremi kupala' ri ia sollanna battu todong angkunjungiko sipa'rurungang sari'battang maraenganga. Mingka tenapa nakkulle napattantu labattu ri kamma-kammaya anne. Mingka punna nia' sallang wattu, tantu labattuji antu.

1 KORINTUS 16:12 ပူးပေါင်းရင်းမြစ်များ

KATO'BA 3:1

Sikontu apa-apaya ri anne linoa kajariangi situru' wattu Napattantua Allata'ala.

MARKUS 6:21

Mingka kale'bakkanna, anggappami kasampatang Herodias ri allo kalassukanna Herodes. Anjo wattua assua'-suaraki Herodes. Nakio' ngasengi tumalompoa lalang pamarentanga, tau tinggi-tinggia pangka'na, kammayatompa sikamma pamimpinga lalang ri Galilea.

LAMPA-LAMPANA 15:34

Mingka ammantang tulimi Silas ri Antiokhia.]

LAMPA-LAMPANA 18:24

Anjo wattua, nia'mo se're tu Yahudi battu mange ri Efesus, niarenga Apolos, anjorenga ri Aleksandria nilassukang. Anne Apolos tau cara'de' a'bicara, siagang napahang bajiki bonena Kittaka,

LAMPA-LAMPANA 19:1

Ri wattunna nia' Apolos ri Korintus, sitabang tongi a'lampa Paulus anjappai padalamanna anjo daeraya, sa'genna battu mange ri Efesus. Anjoreng, assibuntulu'mi siagang siapa are tau tappakamo ri Isa.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

1 KORINTUS 1:12

Natabaya kanangku iamintu nia' ri kau angkana, “Inakke amminawanga' ri Paulus,” nia' angkana, “Inakke amminawanga' ri Apolos,” nia' todong angkana, “Inakke amminawanga' ri Petrus,” kammayatompa nia' angkana, “Inakke amminawanga' ri Almasi.”

1 KORINTUS 3:22

Paulus, Apolos, Petrus, anne linoa, katallassanga siagang kamateanga, anne jammanga yareka jammang labattua, yangaseng-ngasenna ikau ngaseng pata.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

TITUS 3:13

Attojeng-tojengko usaha untu' ambantui Zenas, anjo tu cara'deka ri pangngassengang hukkung-hukkunga, siagang Apolos; sollanna tena kakuranganna punna a'lampa ke'nanga.

TITUS 3:4

Mingka Napappicinikang maki' pangngamaseanNa siagang kabajikang pa'mai'Na Allata'ala Mappasalamatta.