1 KORINTUS 16:1 - KITTA' MATANGKASA'

¹ Kamma-kamma anne passala'na doe' eroka nupassareang a'jari sumbangang mae ri paranta tu Karisteng; kukellaiko sollanna nugaukang situru' apa le'baka kupau mae ri jama'aka ri Galatia.

1 KORINTUS 16:1 ပူးပေါင်းရင်းမြစ်များ

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

LAMPA-LAMPANA 11:30

Nagaukammi ke'nanga anjo passamaturukanga. Na'lampamo Barnabas siagang Saulus angngerangi anjo sumbanganga mae ri pamimping-pamimping jama'aka ri Yudea.

LAMPA-LAMPANA 16:6

Tena nikellai Paulus siagang Silas ri RohNa Allata'ala ampa'la'bangi kana-kananNa Allata'ala ri daera Asia. Jari napatulusu'mi lampana ke'nanga mange ri daera Frigia siagang Galatia.

LAMPA-LAMPANA 18:23

Niaki siapa are sallona ammantang anjoreng. Le'baki anjo a'lampami angkunjungi jamaah-jamaah niaka ri daera Galatia siagang Frigia ero' ampakajarreki tappa'na sikontu anggota jama'aka.

LAMPA-LAMPANA 24:17

Le'baki pirang taung are kubokoi Yerusalem, ammotere'ma' mange anjoreng angngerang doe' bantuang mae ri bansaku, siagang ero' angngerang koro'bang mae ri Allata'ala.

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

1 KORINTUS 4:17

Iami anjo nakusuromo Timotius battu mae ri kau ngaseng. Salaku tumminawang ri Almasi, sangkammai ana' kalengku, kukamaseanga. Iami ana' akkullea nipatappa'. Iami lampakaingakko ri passala'na katallassang kupinawanga ri wattungku a'jari tappa'mo mae ri Almasi; iamintu katallassang le'baka kupangngajarrang mae ri sikontu jamaah niaka ri kere-keremae.

GALATIA 2:10

Se'reji bawang pappala'na ke'nanga mae ri kambe, iamintu parallui niparhatikang tu kasi-asia. Na inakke teai sipato' sannanna nyawaku anggaukangi anjo kammaya.

FILEMON 1:5

Nasaba' kulangngere'mi kabara'nu angkanaya nukamaseangi sikontu umma'Na Allata'ala, siagang tappa' tojeng-tojeng mako mae ri Batara Isa.

FILEMON 1:7

Pangngarimangnginnu mae ri sikontu umma'Na Allata'ala, sari'battang, napakarannui pa'maikku siagang napakalompoi sumangakku! Tassaleori ngasemmi sikontu Umma'Na Allata'ala lanri ikau.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?