1 KORINTUS 15:57 - KITTA' MATANGKASA'

⁵⁷ Sukkurukki' mae ri Allata'ala; nasaba' Nasare maki' pammetang lalang ri Isa Almasi, Batarata!

1 KORINTUS 15:57 ပူးပေါင်းရင်းမြစ်များ

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

1 PATTOTTORANG 22:11

Nampa nakanamo pole Daud, “Kamma-kamma anne, anakku, poro tuli natulungko Karaeng Allata'alanu. Siagang poro a'wasselekko ambangung balla' untu' Batara sangkamma anjo apa le'baka Napa'janjiang.

PAMMUJI 98:1

Pammuji. Akkelongko lagu beru mae ri Batara, lanri sikamma panggaukang malompoNa! Lanri koasa siagang kagassingang KalenNa nanggappamo pammetang.

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

LAMPA-LAMPANA 27:35

Le'baki akkana kamma Paulus, angngallemi roti nampa appala' sukkuru' mae ri Batara ri dallekanna ngaseng ke'nanga. Nampa napa'bage-bageang anjo rotia, nanakanre anjo rotia.

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

1 KORINTUS 15:51

Parhatikangi anne rahasiaya: tena nilamate ngaseng, mingka lamminra ngasengki'.

2 KORINTUS 1:11

Tappaki ikambe angkanaya lanri pappala' doangannu ngaseng, tena tanipasalama'na pole ikambe ri Allata'ala battu ri bahayaya. Najaimo tau appala' sukkuru' ri Allata'ala, iamintu sikontu tau le'baka appala' doang, nasaba' nitarimana pappala' doanna, iamintu lanri nibarakkakinamo ikambe ri Allata'ala.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

2 KORINTUS 9:15

Paralluki' appala' sukkuru' mae ri Allata'ala, lanri teai sipato' lompona anjo passareNa!

EFESUS 5:20

Lalang ri apa-apa mamo, paralluko tuli appala' sukkuru' mae ri Allata'ala Manggea, lalang arenNa Isa Almasi, Batarata.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”