1 KORINTUS 15:53 - KITTA' MATANGKASA'

⁵³ Anne tubuta akkullea mate musti nisambei siagang tubu tenaya nakkulle mate; siagang tubu battua ri lino musti nisambei siagang tubu battua ri suruga.

1 KORINTUS 15:53 ပူးပေါင်းရင်းမြစ်များ

ROMA 1:23

Teai Allata'ala tamamminraya nasomba ke'nanga, passangalinna patung-patung sangkammaya apa lakkullea mate; iamintu rupataua, jangang-janganga, olo'-olo' appaka bangkenna, siagang olo'-olo' a'loloka rawa ri buttaya.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

GALATIA 3:27

Le'ba' ngaseng mako nije'ne' lalang arenNa Almasi; jari nutarimami mae ri kalennu sipa'-sipa' KalenNa Almasi.

EFESUS 4:24

Paralluko a'jari tau beru lalang tallasa'nu, lanri le'ba'numo niberui situru' ero'Na Allata'ala; iamintu assipa' tojeng, lambusu', siagang matangkasa'.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.