1 KORINTUS 15:47 - KITTA' MATANGKASA'

⁴⁷ Adam rioloa butta nipa'jari, mingka Adam makaruaya battu ri suruga assala'na.

1 KORINTUS 15:47 ပူးပေါင်းရင်းမြစ်များ

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

YOHANES 3:31

Ia niaka battu rate ri suruga, iami la'biangang na sikamma apa-apa maraenganga. Apa battua ri lino, antamai ri golonganna tu linoa, siagang passala' apa-apa ri lino nabicara. Ia niaka battu rate la'biangangi na sikamma apa-apa maraenganga.

YOHANES 6:33

Nasaba' roti Napassareanga Allata'ala, Iamintu niaka manurung battu ri suruga, siagang assarea katallassang mae ri rupataua.”

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

1 KORINTUS 15:45

Nia' tattulisi' lalang ri Kittaka angkanaya, “tau riolo dudua, iamintu Adam, a'jari tu mattallasa',” mingka ia Adam kala'busanga iamintu Roh assarea katallassang.

1 KORINTUS 15:46

Rioloanganga battu iamintu tubua, teai rohania. Ri bokoangangi battu rohania.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.