1 KORINTUS 15:4 - KITTA' MATANGKASA'

⁴ le'ba'mi nitarawang, mingka nipattallasa' poleammi ammotere' ri makatalluna alloa. Ia anjo tattulisi' tommi lalang ri Kittaka.

1 KORINTUS 15:4 ပူးပေါင်းရင်းမြစ်များ

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

PAMMUJI 2:7

Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

HOSEA 6:2

Lalang anne rua yareka tallungalloa laNapa'jari bajikki' ammotere', nakilattallasa'mo ammotere' irawa ri la'lanNa.

YUNUS 1:17

Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 20:19

nanipassareang ri tau teai bansa Yahudi. Lanicau-caui ri ke'nanga, lanisessai, nampa nisalli' ri ke'nanga. Mingka ri makatalluna alloa lanipabangungi pole ammotere'.”

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.

LUKAS 24:26

Sai musti Nakasiaki rolong Karaeng Mappasalamaka anjo passessaya, nampa anrapi' ri kala'biranNa?”

LUKAS 24:46

Nampa Nakana Isa ri ke'nanga, “Nia' tattulisi' lalang ri Kittaka angkanaya musti attallasa' poleangi Karaeng Mappasalamaka battu ri kamateanga, ri makatalluna alloa.

LUKAS 9:22

Nakana pole Isa, “Lajai memang tongi passessa laNakasia' Ana' Ma'rupataua, siagang lanimusui ri pamimping-pamimpinga siagang imang-imang kapalaya, kammayatompa guru-guru agamaya. Lanibunoi, mingka ri makatalluna alloa lanipabangung poleangi ammotere'.”

YOHANES 19:38

Le'baki anjo appala' paramisimi Yusuf battua ri Arimatea mae ri Pilatus, sollanna akkulle naalle maya'Na Isa. (Anne Yusuf, ana' gurunNa todong Isa mingka nacokkoi, lanri mallaki ri pamarentana tu Yahudia.) Nisaremi paramisi ri Pilatus. Jari a'lampami Yusuf angngallei maya'Na Isa.

LAMPA-LAMPANA 1:3

Ri le'ba'namo attallasa' poleang battu ri kamateanga, lalanna patampulo alloa, a'mole-molei a'nyata sikali Napappicinikang KalenNa mae ri tunisuroNa, lanri ero'Na Napa'nassa angkanaya ma'nassa attallasa' poleammi battu ri kamateanga. Nicini'mi ri ke'nanga, siagang sipa'bicarami siagang ke'nanga ri passala'na Allata'ala siagang PamarentahanNa.

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

ROMA 6:4

Iaminjo nije'netta a'jari pammatei angkanaya sikamateang maki' Isa Almasi, siagang nipasitarawang maki' siagang KalenNa; sollanna, antekamma batena attallasa' poleang ammotere' Isa Almasi lanri koasa mala'biri'Na Allata'ala Manggea, kamma tomminjo akkullei nigappa katallassang berua.

KOLOSE 2:12

Nasaba' ri wattunnu nije'ne', iaminjo a'jari pammatei angkanaya nitarawang mako siagang Almasi; siagang iatommi anjo pa'je'neka a'jari pammatei angkanaya nibangung poleang todong mako battu ri kamateanga siagang Almasi, lanri tappa'nu ri koasaNa Allata'ala, ampabangung poleangai Almasi battu ri kamateanga.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.