1 KORINTUS 15:18 - KITTA' MATANGKASA'

¹⁸ Battuanna pole, sikamma anjo tau Karisteng mateamo, tena tommo panrannuanna.

1 KORINTUS 15:18 ပူးပေါင်းရင်းမြစ်များ

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

1 KORINTUS 15:6

Le'baki anjo Napappicinikang tommi KalenNa mae ri la'bia limambilangngang tu matappa'Na. Jai ri ke'nanga attallasa' iji sa'genna kamma-kamma anne, nampami siapa are tau ammoterang.

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”