1 KORINTUS 15:16 - KITTA' MATANGKASA'

¹⁶ Nasaba' punna tena nanipattallasa' poleangi ammotere' tau matea, tena tommo nanipattallasa' poleangi ammotere' Almasi battu ri kamateanga.

1 KORINTUS 15:16 ပူးပေါင်းရင်းမြစ်များ

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

1 KORINTUS 15:15

La'biangampa pole, ma'nassami angkanaya a'balle-ballemi ikambe ambirittakangi Allata'ala; nasaba' nabirittakammi ikambe angkanaya le'ba'mi nipattallasa' poleang ammotere' Almasi battu ri kamateanga ri Allata'ala, mingka tena nakamma – punna kammatojeng angkanaya tena nalanipattallasa' poleang ammotere' tau matea!

1 KORINTUS 15:17

Siagang punna tena nanipattallasa' poleangi ammotere' Almasi, a'jari sanrapang mami so'na anjo katappakkannu; battuanna tuli lalang ijako ri kakoasanna dosaya, siagang tena sikalimo panrannuannu.

1 KORINTUS 15:29

Punna tanipattallasa' poleangang ammotere' tau matea angngapa nania' tau nije'ne' untu' tau matea? Apa matu-matunna nagaukang ke'nanga anjo kammaya? Punna tena sikali memang nalanipattallasa' poleang ammotere' tau matea, apa matu-matunna nagaukang ke'nanga anjo kammaya?

1 KORINTUS 15:4

le'ba'mi nitarawang, mingka nipattallasa' poleammi ammotere' ri makatalluna alloa. Ia anjo tattulisi' tommi lalang ri Kittaka.