1 KORINTUS 15:14 - KITTA' MATANGKASA'

¹⁴ Siagang ebara' angkana tena nanipattallasa' poleang ammotere' Almasi battu ri kamateanga, tenamo matu-matunna anjo apa le'baka nabirittakang ikambe; kammayatompa tena tommo matu-matunnu a'jari tappa', nasaba' tena panna'galanna anjo katappakkannu.

1 KORINTUS 15:14 ပူးပေါင်းရင်းမြစ်များ

PA'JARIANG 8:8

Na lalang kammana anjo nalappassammi Nuh sikayu jangang-jangang bodobangkeng untu' ero' naasseng angkanaya apaka ma'nassa naung tojemmi je'neka.

PAMMUJI 73:13

Sia-siaji kujagai katangkassanna atingku; tena matu-matunna kupakabella kalengku battu ri dosaya.

YESAYA 49:4

Mingka kukana, “Tena matu-matunna posoku; la'busu' sia-siaji kagassingangku!” Mingka tappaka' angkana Napattojengi Batara hakku, Nabalasakka' Allata'ala situru' panggaukangku.

MATIUS 15:9

Tena matu-matunna anynyomba ke'nanga ri Nakke, nasaba' atorang rupatauji napangngajarrang kamma le'ba' angkana iaminjo atorang Kupassareanga.’ ”

LAMPA-LAMPANA 17:31

Nasaba' le'ba'mi Napattantu wattunna nalaNaadeli sikontu bonena anne linoa siagang adele'. Anjo tugasaka lanagaukangi tau le'bakamo nipile ri Allata'ala untu' anggaukangi anjo tugasaka. Na sollanna akkulle tappa' ngaseng taua ri anjo passalaka, Napattallasa' poleammi Allata'ala anjo taua battu ri kamateanga!”

1 KORINTUS 15:13

Punna kammatojeng angkanaya tanipattallassai poleang tau matea, tantu tena tommo nanipattallasa' poleang ammotere' Almasi battu ri kamateanga.

1 KORINTUS 15:17

Siagang punna tena nanipattallasa' poleangi ammotere' Almasi, a'jari sanrapang mami so'na anjo katappakkannu; battuanna tuli lalang ijako ri kakoasanna dosaya, siagang tena sikalimo panrannuannu.

1 KORINTUS 15:2

Punna anna'gala' majarrekko mae ri anjo kupabattua mae ri kau, lanipasalama' mako ri anjo Kabara' Bajika; passangalinna bawang punna tappakko natena pammahannu.

GALATIA 2:2

A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.

1 TESALONIKA 4:14

Tappa' maki' angkanaya le'ba'mi mate Isa Nattallasa' poleang ammotere'. Iaminjo saba'na nakitappa' tommo angkanaya laNapattallasa' poleangi Allata'ala sikontu tau matea lalang KalenNa Isa, iamintu sikontu tau tappaka mae ri Ia, sollanna attallasa' tommo ke'nanga lalang ri Ia.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?