1 KORINTUS 14:7 - KITTA' MATANGKASA'

⁷ Anjo pakkakasa' pakkelong-kelonganga tena sikali nyawana manna sike'de' sangkammaya sulinga siagang kacapia, punna tena nipasa'ra bajiki siagang punna tena naniko'bi' bajiki, antekamma batena lakkulle naasseng taua angkanaya kelong apa anjo nakelonganga?

1 KORINTUS 14:7 ပူးပေါင်းရင်းမြစ်များ

MATIUS 11:17

Nia' angkana, ‘Kelong a'rannu-rannu nikelongang, mingka taerokako akkarena! Kelong tu kamateang nikelongang, mingka taerokako angngarru'!’

LUKAS 7:32

Sanrapangi ke'nanga ana'-ana' ammempoa ri pasaraka; nia' sipa'rappungang akkio' ri maraengannaya angkana, ‘Nikelongang mako kelong a'rannu-rannu, mingka taerokako a'dansa! Nikelongang mako kelong ri kamateanga, mingka taerokako angngarru'!’

1 KORINTUS 13:1

Manna pole a'rupa-rupai bicara tu lino kuasseng, ba'lalo manna pole akkullea' a'bicara malaeka', mingka tena kumangngamaseang mae ri parangku tau, anjo bicarangku a'jari bicara lompoji bawang, tenaya matu-matunna.

1 KORINTUS 14:6

Ebara'na inakke battu mae ri kau ngaseng nakua'bicara appakalannasa' mae ri kau, maka apa matu-matunna mae ri kau? Mattantu tena matu-matunna manna sike'de'! Simmaraengi punna kupa'nyata apa eroka Napa'nyata Allata'ala, yareka kupakasingara' apa-apa battua ri Allata'ala, yareka kupabattu biritta battua ri Allata'ala yareka kuajarakko.

1 KORINTUS 14:8

Nia' pole conto maraeng: Punna nipasa'ra sambarangang anjo tarompe' pa'bundukanga, maka inai lasadia ero' a'bundu'?

1 SAMUEL 10:5

Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.