1 KORINTUS 14:12 - KITTA' MATANGKASA'

¹² Na ikau ngaseng, kuassengi angkanaya cinna sikaliko anggappa pakkulle battu ri RohNa Allata'ala. Mingka lomoro' se'rea musti nupake bajiki anjo pakkulle nugappaya untu' antulungi jama'aka sollanna akkulle a'jari maju.

1 KORINTUS 14:12 ပူးပေါင်းရင်းမြစ်များ

ROMA 14:19

Lanri kammana, ia parallua tuli niusahakang iamintu sikamma akkullea appa'nia' passiamakkang siagang sipaenteng mae ri sikamma taua.

1 KORINTUS 12:31

Lanri kammana, paralluko usaha tojeng-tojeng nanugappa passare lomoro' se'rea. Mingka lakupicinikiangko pole oloang kaminang bajika.

1 KORINTUS 12:7

Massing Napakemi RohNa Allata'ala anjama tasse're-se'rea tau untu' kabajikanta ngaseng.

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

1 KORINTUS 14:13

Lanri kammanami anjo, na inai-nai akkulle a'bicara appakalannasa', parallui napala' mae ri Allata'ala sollanna nisare todong pakkulle untu' ampakasingaraki anjo apa napaua.

1 KORINTUS 14:26

Jari, apa ngaseng battuanna anne, sari'battang? Punna a'rappungangko ero' anynyomba ri Batara, bajiki punna nia' akkelong, nia' angngajara', nia' ampabattui apa-apa battua ri Allata'ala, nia' a'bicara siagang bicara appakalannasaka siagang nia' ampakasingaraki battuanna anjo bicara appakalannasaka. Mingka yangasenna anjo musti nugaukangi untu' angngajara' siagang untu' kabajikannu ngaseng.

1 KORINTUS 14:5

Teai sipato' baji'na punna akkulle ngasengko a'bicara a'rupa-rupa bicara appakalannasa'. Mingka la'bi kaminang bajika punna akkulleko ambirittakangi sikamma rancanaNa Allata'ala. Nasaba' lompoangangi anggaranna appabattua biritta battu ri Allata'ala, naia a'bicaraya siagang bicara appakalannasa'; simmaraengi punna akkulleja napakasingariang jama'aka anjo bicara napaua, sollanna nia' matu-matunna mae ri sikontu jama'aka.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.