1 KORINTUS 13:8 - KITTA' MATANGKASA'

⁸ Tenanniakka wattu nataparallua taua sikamaseang. Kamma-kamma anne nia' tau cara'de' ampabattui biritta battua ri Allata'ala, mingka nia' se're wattu nalammarimo ampabattui anjo birittaya. Kamma-kamma anne nia' tau cara'de' a'bicara a'rupa-rupa bicara appakalannasa', mingka nia' se're wattu nalammarimo a'bicara appakalannasa'. Kamma-kamma anne nia' tau cara'de' angngasseng ngasengi sikontu apa-apaya, mingka nia' se're wattu nalammarimo angngasseng ngasengi sikontu apa-apaya.

1 KORINTUS 13:8 ပူးပေါင်းရင်းမြစ်များ

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

LUKAS 22:32

Mingka le'ba' mako Kupappala' doangang Simon, sollanna jarre' tappa'nu. Na punna ammotere' mako pole mae ri Nakke, musti nupakajarreki tappa'na sikamma sari'battannu.”

LAMPA-LAMPANA 13:1

Ri jamaah Antiokhia nia' siapa are na'bi siagang guru. Areng-arenna ke'nanga iamintu: Barnabas, Simeon nigallaraka I Le'leng, Lukius battua ri Kirene, Menahem siaganga Herodes niparakai sa'genna lompo, siagang Saulus.

LAMPA-LAMPANA 19:6

Na ri wattunna napatompang limanna Paulus irateanganna ke'nanga, battumi RohNa Allata'ala angkoasai ke'nanga; sa'genna akkullemo ke'nanga a'bicara lalang a'rupa-rupa bicara appakalannasaka, siagang napabattumi ke'nanga kabara' battua ri Allata'ala.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

1 KORINTUS 12:10

Nia' tau nisare koasa untu' anggaukangi gau' appakalannasaka, nampa tau maraenganga nisare pakkulle untu' ampakasingaraki sikamma apa laNagaukanga sallang Allata'ala. Nia' maraenganga nisare pakkulle ri RohNa Allata'ala untu' angngasseng ambatei angkana kereanga passare battu ri RohNa Allata'ala, na kereanga teai. Nia' nisare pakkulle untu' a'bicara a'rupa-rupa bicara sukkaraka nipahang; nampa nia' todong nisare pakkulle untu' ampakasingaraki anjo bicara-bicara sukkaraka.

1 KORINTUS 13:10

LaNapa'jari sukku' ngasengi Allata'ala sikontu apa-apaya, nanipattaena ngaseng sikontu apa-apa tenaya nasukku' baji'na.

1 KORINTUS 13:13

Jari kamma-kamma anne nia' tallunrupa parallu nigaukang iamintu: matappa', ma'minasa siagang mangngamaseang; na ia Kaminang Lompoa ri anne tallua, iamintu, mangngamaseanga ri tau maraengang.

1 KORINTUS 14:39

Lanri kammana, sari'battangku ngaseng, usaha mako untu' ambirittakangi biritta battua ri Allata'ala, mingka teako pisangkai tau eroka a'bicara lalang bicara appakalannasaka.

1 KORINTUS 8:2

Punna nia' tau nakana kalenna jaimi apa-apa naasseng, sikontutojenna tenapa naasseng bajiki anjo apa-apaya.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

IBRANI 8:13

Lanri appare'namo Allata'ala passijanjiang beru, a'jari toami siagang rotto'mi anjo passijanjiang rioloa; na anjo apa toayamo, tasalloami nalanynya'.