1 KORINTUS 13:5 - KITTA' MATANGKASA'

⁵ Tena naborro, tena na'gau' takamma-kamma; tena napassai taua amboyangi kaparalluang kalenna bawang, tena nalinta' kasi'rikang, siagang tena napammoli'-molikangi punna nia' tau sala ri kalenna.

1 KORINTUS 13:5 ပူးပေါင်းရင်းမြစ်များ

2 SAMUEL 10:3

Ri wattunna battu ke'nanga mange ri Amon, nakanamo sikamma pamimpinna anjo pa'rasanganga mae ri Karaeng Hanun, “Teaki' angkanai pikkiranta angkanaya nanakiring Daud anjo tunisurona lanri ero'na ampakalompoi manggeta karaeng! Nakiringi anjo taua mae anrinni a'jari mata-mata untu' ansalidiki anne kotaya, sollanna akkulle naalle.”

AYUB 21:27

Memang, kuassengi apa nupikkirika ngaseng siagang sikontu kaja'dallang nurancanga.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

PAMMILANGNGANG 16:15

Teaimi sipato' larrona Musa siagang nakanamo mae ri Batara, “O Karaeng, tea' laloKi' tarimai passarena ke'nanga. Tena le'bakai nia' ri ke'nanga kupakarugi, manna pole sitau tania'; ba'lalo manna pole sikayua keledai tale'ba' nia' kualle battu ri ke'nanga.”

PAMMILANGNGANG 32:6

Appialimi Musa angkana, “Angngapa nulammantang anrinni nampa a'lampa julu bansanu a'bundu'?

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MATIUS 9:4

Na anjo nawa-nawanna ke'nanga Naassengi Isa. Jari Nakanamo Isa ri ke'nanga, “Angngapa naja'dala' kamma batenu ngaseng appikkiri'?

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

1 KORINTUS 10:24

Takkulleai taua poro kaparalluang kalennaji bawang naboya. Sikontu taua parallui naboya todong kaparalluanna tau maraenga.

1 KORINTUS 10:33

Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.

1 KORINTUS 11:18

Nasaba' uru-uru kulangngereka iamintu angkanaya punna a'rappungangko salaku jamaah, assisa'la'-sa'lakko a'jari a'rupa-rupa golongang nampa assigea'-geakko. Na anne kabaraka kukira-kira nia' kamma tojenna.

1 KORINTUS 12:25

Lanri kammana, tenamo nasanrapang ta'bage-bage anjo tubua; massing sijampangimi anjo anggota tubua.

1 KORINTUS 7:36

Punna nia' tau angkasu'mangi ri kalenna angkanaya tena nasiratang batena appanggaukang mae ri parekang bainenna, yareka takkulleai naparrangngi hawa napasuna, kammayatompa parallumi nasa'ring a'buntinga, boli'mi kamma na'bunting ke'nanga. Tena nasala punna a'buntingi ke'nanga.

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

2 TESALONIKA 3:7

Massing nuasseng ngasemmi angkanaya antekamma batenu musti angngalle conto battu ri kambe. Ikambe tena nakia'mala'-malasa' ri wattunna nia' ikambe ri tangnga-tangnganu ngaseng.

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.