1 KORINTUS 13:13 - KITTA' MATANGKASA'

¹³ Jari kamma-kamma anne nia' tallunrupa parallu nigaukang iamintu: matappa', ma'minasa siagang mangngamaseang; na ia Kaminang Lompoa ri anne tallua, iamintu, mangngamaseanga ri tau maraengang.

1 KORINTUS 13:13 ပူးပေါင်းရင်းမြစ်များ

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

LUKAS 10:27

Appialimi anjo taua nakana, “ ‘Kamaseangi Karaeng Allata'alanu ilalang sitepu atinnu, ilalang sitepu pa'mai'nu, siagang ilalang sikontu pakkullenu, kammayatompa ilalang sikontu akkala'nu,’ na ‘Kamaseangi parannu tau sangkamma todong nukamaseanna batangkalennu.’ ”

LUKAS 22:32

Mingka le'ba' mako Kupappala' doangang Simon, sollanna jarre' tappa'nu. Na punna ammotere' mako pole mae ri Nakke, musti nupakajarreki tappa'na sikamma sari'battannu.”

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

1 KORINTUS 16:14

Sikontu apa nujamaya, gaukangi siagang mangngamaseang.

1 KORINTUS 3:14

Punna parrang ri pepe' anjo bangunang nibangunga irateanna anjo pondasia, lannarimami hadia anjo tau ambangunga.

1 KORINTUS 8:1

Kamma-kamma anne ri passala'na kanre nipassareanga mae ri barhalaya. Memang annabai apa napaua taua angkana, “Ikatte cara'de' ngaseng maki'.” Mingka anjo kacara'dekanga akkulle napa'jari tampo taua; na anjo pangngamaseanga akkullei nabangung kalenna taua.

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

2 KORINTUS 5:10

Nasaba' attantumi angkanaya lanierangki' mange andallekang ri pangadelanNa Almasi; siagang massing langgappa maki' pa'balasa' situru' apa le'baka nigaukang ri linoa anne, iamintu panggaukang baji' yareka panggaukang ja'dala'.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

FILIPI 1:9

Iaminne pappala' doangangku untu' ikau: poro pila' mangngamaseangko ri Allata'ala siagang ri parannu tau siagang natuli katambang pangngassengannu ri katojenganga siagang kacara'dekanga,

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

KOLOSE 3:14

Siagang kaminang parallua iamintu: musti sikamaseangko nasaba' iaminjo pangngamaseanga ampa'jari se're ngasengko, sa'gennu a'jari sukku'.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 YOHANES 2:10

Inai-nai angkamaseangi sari'battanna, anjo taua attallasa'mi lalang ri singaraka, sa'genna tenamo apa-apa ri kalenna akkullea a'jari saba' natu'guru' naung ri dosaya paranna tau.

1 YOHANES 2:14

Kutulisiki anne suraka mae ri kau ngaseng ana'-anaka nasaba' nuassemmi Allata'ala Manggea. Kutulisiki mae ri kau ngaseng sikamma bapa'-bapakku, nasaba' nuassemmi anjo Kana niaka memammo battu ri pakkaramulanna. Kutulisiki mae ri kau ngaseng sikamma ana'-ana' rungkaya, nasaba' gassing ngasengko. Niaki kananNa Allata'ala lalang ri atinnu ngaseng, siagang le'ba'mi nubeta anjo I Ja'dala'.

1 YOHANES 2:24

Lanri kammana, musti nujagai baji'-baji' ri atinnu anjo biritta le'bakamo nulangngere' battu ri uru tappa'nu. Punna nuparhatikang baji'-baji' anjo birittaya, latuli asse're mako lalang ri katallassannu siagang Anaka kammayatompa Manggea.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.

1 YOHANES 3:9

Inai-nai a'jarimo ana'Na Allata'ala, tenamo natuli la'gau' dosa, nasaba' nia'mi sipa'Na Allata'ala ri kalenna. Nasaba' iaminjo Allata'ala Manggena, tenamo natuli lanagaukang ija dosaya.