1 KORINTUS 13:11 - KITTA' MATANGKASA'

¹¹ Ri wattungku ana'-ana', a'bicara kamma' ana'-ana', akkasu'mang kamma' ana'-ana', kammayatompa appikkiri' kamma' ana'-ana'. Kamma-kamma anne toama'; kupela'mi anjo panggaukang ana'-anakku.

1 KORINTUS 13:11 ပူးပေါင်းရင်းမြစ်များ

KATO'BA 11:10

Pelaki ranggaselaya siagang susaya battu ri pa'mai'nu, saba' sinampe'ji allalo wattu rungkanu.

MATIUS 16:7

Nalangngere'na ke'nanga akkana kamma Isa, angkanami ke'nanga para ia todong, “Nakkana kamma anjo nasaba' nikaluppai angngerang roti.”

1 KORINTUS 13:10

LaNapa'jari sukku' ngasengi Allata'ala sikontu apa-apaya, nanipattaena ngaseng sikontu apa-apa tenaya nasukku' baji'na.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

GALATIA 4:1

Mingka paralluko kupauang baji' angkanaya: punna ca'di ija tau lannarimaya warisi', nia' tau anjagai siagang angngurusangi sikamma kaparalluanna, sa'genna narapi'mo umuru' le'baka napattantu manggena. Nipare' kamma iji ata, manna naia pata anjo sikontu barang-baranga.