1 KORINTUS 13:10 - KITTA' MATANGKASA'

¹⁰ LaNapa'jari sukku' ngasengi Allata'ala sikontu apa-apaya, nanipattaena ngaseng sikontu apa-apa tenaya nasukku' baji'na.

1 KORINTUS 13:10 ပူးပေါင်းရင်းမြစ်များ

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

1 KORINTUS 13:11

Ri wattungku ana'-ana', a'bicara kamma' ana'-ana', akkasu'mang kamma' ana'-ana', kammayatompa appikkiri' kamma' ana'-ana'. Kamma-kamma anne toama'; kupela'mi anjo panggaukang ana'-anakku.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

1 KORINTUS 13:9

Nasaba' ikatte tena nasukku' baji'na pangngassenta siagang pakkulleta untu' ampabattui biritta battua ri Allata'ala.

FILIPI 3:12

Mingka tena nakuangkana kugappami wasseleka, yareka a'jari sukku'ma'. Passangalinna tulusu' kuusahai sollanna akkulle kugappa hadia Napasadiaya Isa Almasi. Iaminjo saba'na naNaallea' nampa Napa'jaria' taunNa.