1 KORINTUS 12:7 - KITTA' MATANGKASA'

⁷ Massing Napakemi RohNa Allata'ala anjama tasse're-se'rea tau untu' kabajikanta ngaseng.

1 KORINTUS 12:7 ပူးပေါင်းရင်းမြစ်များ

KALAPPASSANG 28:3

Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

1 KORINTUS 12:12

Almasi sanrapang tubuna taua; anjo tubua se'reji, mingka jai anggotana. Sikontu anjo anggota tubua, manna najai, mingka a'jari se'rei ilalang ri tubua.

1 KORINTUS 14:12

Na ikau ngaseng, kuassengi angkanaya cinna sikaliko anggappa pakkulle battu ri RohNa Allata'ala. Mingka lomoro' se'rea musti nupake bajiki anjo pakkulle nugappaya untu' antulungi jama'aka sollanna akkulle a'jari maju.

1 KORINTUS 14:17

Manna pole nasanna' baji'na anjo pappala' doangang sukkuru'nu mae ri Batara, mingka tena sikali matu-matunna anjo pappala' doangannu mae ri tau maraenga.

1 KORINTUS 14:19

Mingka punna a'rappungangki' untu' anynyomba mae ri Batara, la'bi kungaiangangi limambukua bicara kupake assala' akkulle napahang taua, naia assa'bu-sa'bua bicara appakalannasa' kupake natanapahanga taua. Kungaiangangi kammaya anjo, sollangku akkulle angngajaraki taua.

1 KORINTUS 14:5

Teai sipato' baji'na punna akkulle ngasengko a'bicara a'rupa-rupa bicara appakalannasa'. Mingka la'bi kaminang bajika punna akkulleko ambirittakangi sikamma rancanaNa Allata'ala. Nasaba' lompoangangi anggaranna appabattua biritta battu ri Allata'ala, naia a'bicaraya siagang bicara appakalannasa'; simmaraengi punna akkulleja napakasingariang jama'aka anjo bicara napaua, sollanna nia' matu-matunna mae ri sikontu jama'aka.