1 KORINTUS 12:2 - KITTA' MATANGKASA'

² U'rangi angkanaya ri wattunna tenapa nutappa' mae ri Batara, amminawangko anynyomba mae ri barhala pepea.

1 KORINTUS 12:2 ပူးပေါင်းရင်းမြစ်များ

PAMMUJI 115:5

Nia' bawana mingka takkulleai a'bicara, nia' matanna, mingka taccinikai.

PAMMUJI 115:7

Nia' limanna, mingka takkulleai anna'gala', nia' bangkenna, mingka takkulleai a'jappa, tena sa'ra assulu' battu ri karro'-karro'na.

PAMMUJI 135:16

Nia' bawana, mingka takkulleai a'bicara, nia' matanna, mingka taccinikai.

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YEREMIA 10:5

Anjo patung-patung barhalaya rapangi tau-tau ri koko bonteka. Takkulleai ke'nanga a'bicara, takkulleai a'dakka, siagang musti niangkaki. Teako mallakki mae ri ke'nanga, nasaba' takkulleai ke'nanga a'gau' ja'dala' mae ri kau; manna a'gau' bajika tanakullei ke'nanga.”

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.