1 KORINTUS 11:32 - KITTA' MATANGKASA'

³² Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

1 KORINTUS 11:32 ပူးပေါင်းရင်းမြစ်များ

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

PAMMUJI 118:18

Le'baka' nasessa terasa' Batara, mingka tena Napassareanga' mae ri kamateanga.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YEREMIA 7:28

Jari, pauangi ke'nanga angkanaya anjo ke'nanga bansa taero' mappilangngeri ri Nakke, Batara, Allata'alana ke'nanga. Taerokai ke'nanga appilajara' battu ri hukkungang le'baka nakasia' ke'nanga. Lanynya'mi kajarrekanna ke'nanga mae ri Nakke, ba'lalo tenamo nanibicarai.”

ZEFANYA 3:2

Cilakai kota tenaya naero' antarimai pappakainga'Na Batara, siagang tenaya todong naero' anjampangi pangngajara'Na, tenaya naero' ampappirannuangi sarenna mae ri Batara, siagang tenaya nappala' tulung mae ri Ia!

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ROMA 5:16

Bella todong lompona hadiaNa Allata'ala punna nipasiukkuruki siagang dosana anjo se'rea tau. Nasaba' ri wattunna dorakamo anjo se'rea tau, nitappukimi angkanaya, “salai.” Mingka ri wattunna jaimo tau doraka, battumi hadiaNa Allata'ala angkanaya, “Tena nasala.”

1 KORINTUS 1:20

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 11:30

Iaminjo saba'na nujaimo a'jari garring siagang lamma, ba'lalo nia' todong mate.

1 KORINTUS 11:31

Punna nukatutui anne passalaka, tenamo nalangngerang hukkungang battu ri Allata'ala anjo pa'rappungang sambayannu.

1 KORINTUS 11:33

Lanri kammana, sikamma sari'battangku, punna a'rappungangko ero' angnganre ri parjamuanNa Batara, musti sitayang bajikko.

PAOLE 8:5

U'rangi, angkanaya Karaeng Allata'alanu angngajarakko rapang se're mangge angngajaraki ana'-ana'na.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

1 YOHANES 5:19

Niassemmi angkanaya ikatte anne tau battuki' ri Allata'ala, manna pole nanikoasaimo sikontu linoa ri I Ja'dala'.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.