1 KORINTUS 11:30 - KITTA' MATANGKASA'

³⁰ Iaminjo saba'na nujaimo a'jari garring siagang lamma, ba'lalo nia' todong mate.

1 KORINTUS 11:30 ပူးပေါင်းရင်းမြစ်များ

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

PAMMILANGNGANG 20:12

Mingka nikalarroimi Musa siagang Harun ri Batara, angkana, “Lanri kurang tappa'nu sipa'rua mae ri Nakke untu' ampa'nyatai kakoasangKu matangkasaka ri dallekanna bansa Israel, tena nalanupimping ke'nanga antama' ri pa'rasangang Kupa'janjianga mae ri ke'nanga.”

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

1 KORINTUS 11:29

Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.

1 KORINTUS 11:31

Punna nukatutui anne passalaka, tenamo nalangngerang hukkungang battu ri Allata'ala anjo pa'rappungang sambayannu.

1 KORINTUS 11:32

Mingka punna Nahukkungki' Allata'ala, laNacambokki', sollanna tena nanataba tongki' hukkungang lantujuai anne linoa.

1 KORINTUS 15:51

Parhatikangi anne rahasiaya: tena nilamate ngaseng, mingka lamminra ngasengki'.

1 TESALONIKA 4:14

Tappa' maki' angkanaya le'ba'mi mate Isa Nattallasa' poleang ammotere'. Iaminjo saba'na nakitappa' tommo angkanaya laNapattallasa' poleangi Allata'ala sikontu tau matea lalang KalenNa Isa, iamintu sikontu tau tappaka mae ri Ia, sollanna attallasa' tommo ke'nanga lalang ri Ia.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.