1 KORINTUS 11:3 - KITTA' MATANGKASA'

³ Mingka nia' ija se're passala' kukellai nuasseng, iamintu angkanaya Almasi a'jari sanrapang ulu mae ri sikontu bura'-bura'nea; kammayatompa bura'nea a'jari sanrapang ulu mae ri massing tu bai'-bainena, kammayatompa pole Allata'ala a'jari sanrapang ulu mae ri Almasi.

1 KORINTUS 11:3 ပူးပေါင်းရင်းမြစ်များ

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

YESAYA 52:13

Nakana Batara, “Sikontutojenna la'jari apa nagaukanga atangKu; lanipakalompoi siagang lanipakatinggi.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

YOHANES 14:28

Le'ba'mi nulangngere' Kukana, ‘La'lampA', mingka lammotere'jA' pole mae ri kau’. Punna nukamaseangA', lasannangi nyawanu punna a'lampA' mange ri Manggea. Nasaba' anjo Manggea, lompoangangi naiNakke.

1 KORINTUS 3:23

Na ikau taunnako Almasi, kammayatompa anjo Almasi Allata'ala pata.

EFESUS 4:15

Tena lalo! Ba'lalo, musti nipa'nyatai katojenganga siagang ati mangngamaseang, sa'genna ilalang apa-apa mamo, pila' a'jari sukku' maki' sangkamma Almasi, a'jaria kapala mae ri katte.

KOLOSE 1:18

Iami a'jari ulu mae ri KalenNa, iamintu jama'aka; lanri Iami assarei katallassang anjo jama'aka. Iami a'jari ana' bungasa', uru-uru nipattallasa' poleanga ammotere' battu ri kamateanga; sollanna Ia mami bawang a'jari kaminang parallu ilalang ri sikontu katallassanga.

KOLOSE 2:10

Na lanri asse'renamo katallassannu siagang Almasi, nisare tommako katallassang sukkuka. Nasaba' Almasi a'jari kapala mae ri sikontu roh-roh makoasaya siagang ammarentaya.

KOLOSE 2:19

sa'genna tenamo natanjeng ke'nanga mae ri Almasi, a'jaria kapala mae ri ke'nanga. Irawangang pimpinanNa Almasi, sikontu tubua niparakai siagang nipa'jari se're ri passisambung-sambunganna, kammayatompa a'bakka' situru' ero'Na Allata'ala.

KOLOSE 3:18

Ikau ngaseng a'jari tu bai'-bainea! Mannurukiko mae ri bura'nennu, nasaba' musti kammai anjo gau'nu lalang ri katallassang Karistenga.

1 PETRUS 3:1

Kammaya todong ikau, sikamma tu bai'-bainea, musti mappilangngeriko mae ri bura'nennu. Sollanna punna nia' tau tena natappa' bura'nenna ri biritta battua ri Allata'ala, akkullemi a'jari tappa' lanri nacini'na panggaukannu. Siagang tena nuparallu a'bicara apa-apa mae ri ke'nanga,