1 KORINTUS 11:29 - KITTA' MATANGKASA'

²⁹ Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.

1 KORINTUS 11:29 ပူးပေါင်းရင်းမြစ်များ

KATO'BA 8:5

Tau mannurukia ri ia, laamangi na salewangang; tau cara'deka naassengi angkana ringngapanna siagang antekamma carana mannurukia ri karaenga.

LUKAS 7:34

Niaki battu Ana' Ma'rupataua – nangnganre siagang angnginung – na nupakkanai, ‘Cini' sai anjo taua, balalana siagang painunna, aganna pasingara' simaya siagang tu dorakaya.’

ROMA 13:2

Lanri kammanami anjo, napunna nia' tau angngewai pamarentaya, sangkamma le'ba'mi angkanaya naewai anjo apa le'bakamo Napattantu Allata'ala. Na inai-nai appanggaukang kamma anjo iami langgappa hukkungang.

1 KORINTUS 11:24

na ri wattunna le'ba' appala' sukkuru' mae ri Allata'ala, Nabage-bagemi anjo rotia, nampa Nakana, “Iaminne batangkalengKu nipassareanga untu' ikau ngaseng. Gaukammi anne kammaya untu' pangngu'rangi mae ri Nakke.”

1 KORINTUS 11:27

Lanri kammana, inai-nai sala carana angkanrei rotiNa Batara siagang sala carana angnginungi anggoro'Na Batara, dorakami anjo taua mae ri Batara, le'baka angkoro'bangkangi batangkalenNa siagang cera'Na.

1 KORINTUS 11:28

Jari, parallui massing naparessa kalenna tasse're-se'rea tau nampa akkulle nakanre anjo rotia siagang nainung anjo anggoroka.

1 KORINTUS 11:30

Iaminjo saba'na nujaimo a'jari garring siagang lamma, ba'lalo nia' todong mate.

IBRANI 5:14

Anjo kanre terasaka untu' tau toaya; nasaba' lanri nia'namo pangalamanna akkullemi naasseng angkana kereanga baji' siagang kereanga kodi.

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.