1 KORINTUS 11:27 - KITTA' MATANGKASA'

²⁷ Lanri kammana, inai-nai sala carana angkanrei rotiNa Batara siagang sala carana angnginungi anggoro'Na Batara, dorakami anjo taua mae ri Batara, le'baka angkoro'bangkangi batangkalenNa siagang cera'Na.

1 KORINTUS 11:27 ပူးပေါင်းရင်းမြစ်များ

PAMMILANGNGANG 9:10

ampabattui mae ri bansa Israel angkana, “Punna nia' ri alla'nu yareka jari-jarinu ra'masa' lanri le'ba'na nasero mayaka yareka sitabangi lalang pa'jappang bella, ia musti napakalompo tongi allo Paskaya untu' Batara.

PAMMILANGNGANG 9:13

Kabalekanna tau tenaya nara'masa' siagang tenaya todong nalalang pa'jappang, mingka tanajampangiai ampakalompoi allo Paskaya, tenamo naKubilangi ummakKu, lanri tenana nassare koro'bang mae ri Nakke ri allo le'baka nipattantu. Anjo taua musti natanggongi kale'bakkang kodina anjo dosana.

MATIUS 22:11

Battumi anjo Karaenga anciniki ngasengi toanaya. Nia'mo sitau nacini' tena nammake pakeang passua'-suarrang.

YOHANES 6:51

INakkemi roti manurunga battu ri suruga iamintu roti assarea katallassang. Tau angkanreai anne rotia lattallasaki satunggu-tungguna. Roti laKupassareanga iamintu KalengKu, untu' katallassanna rupataua ri lino.”

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.

1 KORINTUS 11:29

Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.