1 KORINTUS 10:11 - KITTA' MATANGKASA'

¹¹ Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

1 KORINTUS 10:11 ပူးပေါင်းရင်းမြစ်များ

PA'JARIANG 19:35

Kammaminjo na ri wattunna anjo bangngia nausahakammi ke'nanga nanasa'ring Lot, nampa mange anjo ana' tulolonna makaruaya angngagangi assikatinroang. Na teaimi sipato' nasa'rinna pole Lot, sa'genna tanaassengamo apa kajarianga.

PAMMUJI 102:18

LaNapilangngeri pappala' doanna umma'Na kasi-asia, tena Natollaki pappala'na ke'nanga.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

MATIUS 13:39

Na ia musu appakioroka rea iamintu Billisika. Wattu pakkattoanga, iamintu Allo Kiamaka, na anjo tau akkattoa, iamintu sikamma malaekaka.

MATIUS 13:40

Antekamma batena nipasse're nampa nitunu anjo reaya, lakamma tommi anjo sallang ri Allo Kiamaka.

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

ROMA 13:12

A'birimmi allalo bangngia; natasalloami nasingara'. Jari, baji' maki' ammari anggaukangi gau'-gau' sassanga. Parallui nipipakei kalenta sanjata singaraka.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

ROMA 4:23

Anjo kana angkanaya, “nitarimai a'jari tau nikarannuang ri atinNa Allata'ala,” teai untu' Abraham bawang nanitulisiki,

1 KORINTUS 10:6

Yangasemmi anjo a'jari conto mae ri katte, untu' ampakaingakki' sollanna tena nicinna mae ri apa-apa ja'dalaka sangkamma ke'nanga.

1 KORINTUS 7:29

Pattujungku kammai anne sari'battang: Tenamo najai wattu ri katte. Appakkaramula ri kamma-kammaya anne, sikontu tau a'baineamo parallui attallasa' sanrapang tau tenayapa na'baine;

1 KORINTUS 9:10

Yareka ikatte nataba? Memang untu' ikatte anjo niaka tattulisi'. Nasaba' inai-nai anjama koko siagang antangkasi anjo kokoa, siratang memang tongi anjo taua ma'minasa langgappa bageang battu ri wassele' jama-jamanna ri anjo kokoa.

GALATIA 4:24

Anne akkullei nipake a'jari pangngebarang. Anjo baine ruaya ebara' ruang rupa parjanjiang: anjo se'rea parjanjiang battu ri Bulu' Sinai – iamintu Hagar; a'jari atai ana'-ana' nalassukanga.

FILIPI 4:5

Parallui nacini' ngaseng taua sipa'-sipa' baji'nu ri katallassannu. Nasaba' tasalloami Nalabattu Batara.

IBRANI 10:25

Teako takkaluppai tuli a'rappungang, sangkamma tau maraenga. Ikatte paralluki' la'bi tamalanre massing sipakajarre'; nasaba' niassengi angkanaya tasalloami Nabattu poleang Batara.

IBRANI 10:37

Nasaba' nia' tattulisi' lalang ri Kittaka angkanaya, “Sinampe' mami nalania'mo battu Ia lalintaka battu; talaNapamonokami wattu kabattuanNa.

1 YOHANES 2:18

Sikamma ana'-anakku, a'reppese'mi kala'busang jammanga! Le'ba' mako nipauang la'bi riolo angkanaya labattui MusunNa Almasi; na kamma-kamma anne jaimi ammumba musu-musunNa Almasi. Iaminjo a'jari pammatei angkanaya la'birimmi wattunna Allo Kiamaka.