1 KORINTUS 1:26 - KITTA' MATANGKASA'

²⁶ Sikamma sari'battangku! Cobasai u'rangi antekamma katallassannu ri wattunnu Nakio' Allata'ala. Sike'de' duduji ri kau tau pore, yareka tau koasa, yareka tau tinggia empoanna ri paccini'na rupataua.

1 KORINTUS 1:26 ပူးပေါင်းရင်းမြစ်များ

2 KARAENG-KARAENG 5:4

Nalangngere'na Naaman anjo passalaka, a'lampami mange ri karaenga nampa nacarita anjo apa le'baka napau anjo ana' bainea.

AYUB 37:24

Lanri kammanami nasiratang nipakalompo ri manna pole inai, na taNajampangia tau nakanaya kalenna cara'de'.”

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

LUKAS 1:3

Le'ba' ngasemmi kupilajari baji'-baji' battu ri pakkaramulanna sikamma anjo apa le'baka kajariang. Jari kupikkiriki angkanaya, bajiki punna kupannulisangki' se're laporang nisusung bajika ri passala'na sikamma anjo apa-apa le'baka kajariang.

LUKAS 10:21

Anjo wattua rannumi nyawaNa Isa lanri nipantamakki ri RohNa Allata'ala. Nakanamo Isa ri ManggeNa, “O ManggeKu, Batarana langika siagang buttaya! Appala' sukkurukKa' ri Katte, lanri Kicokkoangi anne rahasiaya mae ri tau cara'deka siagang tau niaka pangngissenganna. Mingka Kipappiassengangi mae ri tau tenaya sikolana. Iaminjo Kikarannuanga ri atinTa.

LAMPA-LAMPANA 13:12

Nacini'na anjo Guburnurka anjo apa kajarianga, a'jari tappa'mi ri Isa. Nasaba' sanna' baji'na antama' ri atinna anjo pangngajarang battua ri Batara.

LAMPA-LAMPANA 13:7

Anne taua agang bajiki siagang Sergius Paulus, iamintu Guburnur ri anjo puloa. Anjo Guburnurka sanna' cara'de'na siagang sanna' baji'na. Nakio'mi Barnabas siagang Saulus lanri ero' tongi nalangngere' kananNa Allata'ala.

LAMPA-LAMPANA 17:34

Mingka nia' todong ri ke'nanga angngalle-alleangi Paulus, siagang a'jari tappa' ri Isa: nia' niareng Dionisius anggota kumpulanna Areopagus, siagang sitau baine niarenga Damaris, na siapa are pole tau maraengannaya.

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

1 KORINTUS 1:20

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!

1 KORINTUS 2:13

Lanri kammana, punna napakasingara' ikambe sikamma anjo passala' battua ri Allata'ala mae ri tau nikoasaia ri RohNa Allata'ala, teai kacara'dekang battu ri rupataua napake ikambe ampakasingaraki anjo passalaka, mingka situru' ajarang battua ri RohNa Allata'ala.

1 KORINTUS 2:8

Tena manna se're tau anna'galaka koasa ri anne jammanga angngassengi anjo pangngassenganga. Nasaba' ka'de' naassemmi ke'nanga, tantu tenamo nanasalliki ke'nanga anjo Batara kaminang mala'birika.

FILIPI 4:22

Sikamma Umma'Na Allata'ala niaka anrinni ri kotaya, la'biangampa niaka anrinni ri balla' lompona karaenga akkiring ngaseng tongi sallang mae ri kau.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

2 YOHANES 1:1

Battu ri nakke, pamimping jama'aka; kupappitarimangi anne suraka mae ri Amma' Napilea Allata'ala, siagang mae ri ana'-ana'na Amma' sannaka kukarimangnginna. Teai inakke bawang, mingka sikontu pole tau angngassengai Allata'ala tojenga, Nakarimangngi ngaseng tongko.