1 KARAENG-KARAENG 9:25 - KITTA' MATANGKASA'

²⁵ Pintallungi sitaung Salomo assare koro'bang nitunu siagang koro'bang pappasiamakkang irate ri tampa' pakkoro'bangngang le'baka napaenteng untu' Batara. Attunu tommi dupa untu' Batara. Kammaminjo napa'le'ba'na Salomo pambangunanna Balla'Na Batara.

1 KARAENG-KARAENG 9:25 ပူးပေါင်းရင်းမြစ်များ

1 KARAENG-KARAENG 6:14

Kammaminne batena Salomo ampakale'baki pambangunanna anjo Balla'Na Batara:

1 KARAENG-KARAENG 6:38

Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 PATTOTTORANG 23:13

Amram iami manggena Harun siagang Musa. (Harun siagang sikontu turunganna iami nipa'jari satunggu-tungguna angngurusuki sikamma pakkasa' sambayanga, attunu dupa untu' Batara, allayani Batara, siagang ambarakkaki ra'yaka lalang arenNa Batara.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

2 PATTOTTORANG 34:25

Ma'bokomi ke'nanga ri Nakke siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang anjo larroKu takkulleai naung.

2 PATTOTTORANG 8:16

Na le'ba'mo anjo pambangunang narancanakanga Salomo. Sikontu anjo jamanga, appakkaramula battu ri nipadongko'na batu pundasia sa'genna le'ba' anjo Balla'Na Batara, le'ba' kabusu'mi nijama siagang baji'.

KALAPPASSANG 30:7

Tunggala' bari'basa' ri wattunna battu Harun untu' appasadia lampu, musti natunui dupa mabauka rasanna irate ri anjo pattunuang dupaya.

KALAPPASSANG 34:23

Lalanna sitaung musti battui pintallung sikamma tubura'-bura'nea anynyomba mae ri Nakke, Karaeng Allata'alana Israel.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

HAKING-HAKING 11:40

angngapa nabiasa a'lampa ana'-ana' tuloloa patampulo allo lalang taung-taunga, mange angngerangi si'nana ri Gilead, untu' angngu'rangi ana'na Yefta.