1 KARAENG-KARAENG 9:16 - KITTA' MATANGKASA'

¹⁶ Kota Gezer iamintu kota le'baka riolo nibunduki siagang nibeta ri karaeng Mesir, nampa nabuno pandudu'na na natunu kotana. Nampa ri boko anjo kotaya napassareangi karaeng Mesir mae ri ana' bainena salaku hadia ri allo pa'nikanna siagang Salomo.

1 KARAENG-KARAENG 9:16 ပူးပေါင်းရင်းမြစ်များ

1 KARAENG-KARAENG 3:1

Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

1 KARAENG-KARAENG 7:8

Ia pammantanganna Salomo nipare' kamma tongi bangunang maraeng siagang niaki ri paranglakkeng ri bokona Kamara' Lompo Pangadelanga. Untu' bainenna, iamintu ana' bainena karaeng Mesir ambangung tommi balla' kammaya anjo tanja'na.

1 KARAENG-KARAENG 9:24

Butta niaka ri bageang timboranna Balla'Na Batara nasuro tambungi Salomo ri wattunna a'lette'mo bainenna, iamintu ana' bainena karaeng Mesir, battu ri Kota Daud mange ri balla' kakaraengang nabangunga Salomo untu' ia.

YOSUA 10:33

Battui Horam, iamintu karaeng ri Gezer ambantui Lakhis, mingka nibeta tongi siagang tantarana ri Yosua; tena manna sitau ammantang, kabusu'na mate ngasengi.

YOSUA 16:10

Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.