1 KARAENG-KARAENG 9:10 - KITTA' MATANGKASA'

¹⁰ Ruampulo taungi wattu napake Salomo ambangungi Balla'Na Batara siagang balla' kakaraenganga.

1 KARAENG-KARAENG 9:10 ပူးပေါင်းရင်းမြစ်များ

1 KARAENG-KARAENG 3:1

Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

1 KARAENG-KARAENG 6:37

Bulang Ziw nanipasangi pondasina anjo Balla'Na Batara, iamintu bulang makarua, lalang taung makaappa'na pamarentahanna Salomo.

1 KARAENG-KARAENG 6:38

Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 KARAENG-KARAENG 7:1

Ambangung tommi Salomo balla' kakaraengang untu' kalenna. Anjo balla' kakaraenganga sampulo antallu taung wattu nipake untu' ambangungi.

1 KARAENG-KARAENG 9:1

Le'baki nabangung Salomo Balla'Na Batara siagang balla' kakaraenganga kammayatompa sikontu apa le'baka narancana,

1 KARAENG-KARAENG 9:11

Sikontu kayu camara Libanon siagang kayu camara biasa kammayatompa bulaeng naparalluanga Salomo untu' ambangungi anjo ballaka nisareang ngasengi ri Karaeng Hiram. Ri le'ba'namo anjo jama-jamanga nisaremi Karaeng Hiram ri Karaeng Salomo ruampulo kota ri daera Galilea.

EZRA 5:11

Appialimi ke'nanga angkana, ‘Ikambe anne atannaki' Allata'ala makoasaya ri sikontu linoa. Nabangungi ikambe ammotere' Balla'Na Batara le'baka nibangung siagang nipa'langka' appulo-pulo taung allaloa ri sitaua karaeng Israel malompo.